فوتو: gov.kz
كەزدەسۋ بارىسىندا اوك سۋبەكتىلەرىن ۇزاقمەرزىمدى مەملەكەتتىك قولداۋ تاسىلدەرى تالقىلانعان.
«مەملەكەت باسشىسى ءوزىنىڭ حالىققا جولداۋىندا كاسىپكەرلىكتىڭ دامۋى مەن ونى قولداۋ شارالارىنا ەرەكشە نازار اۋداردى. اوك-ءتىڭ تۇراقتى دامۋى – ءبىزدىڭ ازىق-ت ۇلىك قاۋىپسىزدىگىمىزدىڭ كەپىلى, سوندىقتان ۇكىمەت 1 ملن-نان استام ازاماتىمىز جۇمىسپەن قامتىلعان اۋىل شارۋاشىلىعىن قولداۋ شارالارىن جالعاستىرا بەرەدى», دەپ اتاپ ءوتتى ولجاس بەكتەنوۆ.
«مەملەكەت باسشىسىنىڭ تاپسىرماسى بويىنشا بيىل ۇكىمەت كوكتەمگى ەگىس جانە استىق جيناۋ ناۋقانىن وڭتايلى جۇرگىزۋ ءۇشىن قاجەتتى جاعدايدىڭ بارلىعىن جاسادى. سالانى جەڭىلدىكپەن قارجىلاندىرۋ كولەمى ءبىرىنشى رەت 3 ەسەدەن استام ۇلعايتىلىپ, رەكوردتىق كورسەتكىشكە, ياعني, 580 ملرد تەڭگەگە جەتكىزىلدى. بۇل قاراجات ەگىنشىلەردى تىكەلەي نەسيەلەندىرۋگە, پايىزدىق مولشەرلەمەنى تومەندەتۋگە جانە فورۆاردتىق ساتىپ الۋعا جۇمسالدى. سىياقى مولشەرلەمەسىن تومەندەتۋ بايتەرەك حولدينگى كوممەرتسيالىق قاراجاتتى تارتۋ ساتىسىندا جۇرگىزىلدى. كەلەسى جىلى قايتا وڭدەۋ كاسىپورىندارىن قارجىلاندىرۋ كەزىندە وسىنداي تەتىك ىسكە قوسىلادى. جالپى, اگروبيزنەسكە مەملەكەت تاراپىنان تۇقىم ماتەريالى مەن تىڭايتقىش ساتىپ الۋدان باستاپ, ەكسپورتتىق قولداۋعا دەيىنگى بارلىق كەزەڭدە جان-جاقتى كومەك كورسەتىلەدى.پرەزيدەنت تىكەلەي سۋبسيديالاۋدان قولجەتىمدى نەسيە بەرۋگە كوشۋ ارقىلى اوك سۋبەكتىلەرىن قارجىلاندىرۋ كولەمىن ۇلعايتۋ مىندەتىن قويدى. 2025 جىلدان باستاپ شارۋالار قارجى ينستيتۋتتارىنان تىكەلەي ارزانداتىلعان نەسيە الا الادى. سۋبسيديالاۋ ماسەلەلەرى تولىعىمەن اۋىل شارۋاشىلىعى مينيسترلىگىنە جۇكتەلەدى. وسىلايشا, شارۋا سۋبسيديا رەسىمدەۋ بويىنشا ارتىق اۋرە-سارساڭنان قۇتىلادى», دەلىنگەن حابارلامادا.
ايتا كەتەيىك, بيىل جەڭىلدەتىلگەن نەسيەلەۋدىڭ رەكوردتىق كولەمىنە قول جەتكىزىلگەن. كەلەسى جىلدان باستاپ سالانى قارجىلاندىرۋ كولەمىن ارتتىرىپ, 700 ملرد تەڭگەگە دەيىن جەتكىزۋ جوسپارلانعان. پرەمەر-مينيستر ولجاس بەكتەنوۆ بيىلعى جەلتوقسان ايىندا شارۋالارعا كەلەسى جىلدىڭ العاشقى قارجىسى ءتۇسۋى ءتيىس ەكەنىن اتاپ ءوتتى.
