فوتو قر ەكولوگيا جانە تابيعي رەسۋرستار مينيسترلىگى
WWF قولداۋىمەن قازاقستان رەسپۋبليكاسىنىڭ ورمان شارۋاشىلىعى جانە جانۋارلار دۇنيەسى كوميتەتى مەن نيدەرلاندىنىڭ سۆياتوي لۆا ورتالىعى اراسىندا مەموراندۋم جاسالدى. مەموراندۋمدا 2 جولبارىستى اقىسىز بەرۋ جانە ولاردى قازاقستانعا جەتكىزۋ تۋرالى كەلىسىم بولدى.
بۇل وقيعا ەكوجۇيەنى قالپىنا كەلتىرۋ جانە جوعالعان بيوارتۇرلىلىكتى قايتارۋ جولىنداعى ماڭىزدى قادام. باعدارلامانى ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار الەمى كوميتەتى WWF جانە بۇۇدب-نىڭ قولداۋىمەن جۇزەگە اسىرۋدا.
«وسىدان شامامەن 15 جىل بۇرىن, 2010 جىلى وتكەن جەر بەتىندە جولبارىستاردى ساقتاپ قالۋ ماسەلەلەرى بويىنشا العاشقى حالىقارالىق فورۋمدا قازاقستان مىسىقتۇقىمداس جابايى جىرتقىشتى ەلىمىزدىڭ تابيعاتىنا قايتا قابىلداۋعا دايىن ەكەندىگىن حابارلاعان بولاتىن. ارادا جەتى جىل وتكەننەن كەيىن قازاقستان, رەسەي جانە باسقا دا ەلدەردىڭ عالىمدارىنىڭ تىنىمسىز ەڭبەگى ناتيجەسىندە ەلىمىزدە جولبارىستى قايتا جەرسىندىرۋدىڭ بىرەگەي باعدارلاماسى ازىرلەندى. وسى ۋاقىت ارالىعىندا الاڭى 415 مىڭ گەكتار جەردى قامتيتىن «ىلە-بالقاش» رەزەرۆاتىن قۇرۋدان باستاپ وڭتۇستىك بالقاش ماڭى ەكوجۇيەسىن قايتا قالپىنا كەلتىرۋگە دەيىن ۇلكەن جۇمىس اتقارىلدى. قازىرگى تاڭدا ءبىز كوپ ەڭبەكتى تالاپ ەتەتىن جۇمىستىڭ جانە قىزمەتكەرلەرىمىزدىڭ ءوز ىستەرىنە ادالدىعىنىڭ ناتيجەسىن كورىپ وتىرمىز. قازاقستانعا العاشقى جولبارىستار جەتكىزىلدى جانە وسى اتاۋلى وقيعا باعدارلاما مىندەتتەرىنىڭ ءساتتى ورىندالعانىن راستايدى», دەدى قر ەكولوگيا جانە تابيعي رەسۋرستار ءمينيسترى ەرلان نىسانباەۆ.
مينيسترلىكتىڭ ايتۋىنشا بوگدانا مەن كۋما «ىلە-بالقاش» رەزەرۆاتىنداعى WWF-تىڭ ارنايى قۇرىلعان ۆولەرلىك ورتالىعىندا ءومىر سۇرەدى, كەيىن ولاردىڭ ۇرپاعى تابيعاتقا جىبەرىلەدى.
