Facebook/Dinara Zakiyeva
كامەلەتكە تولماعاندار اراسىنداعى سۋيتسيد پروبلەماسى, ونىڭ الدىن الۋ, سەبەپتەرىن انىقتاۋ جانە ولارمەن جۇمىس ىستەۋ جونىندەگى شارالار كەشە مەملەكەتتىك كەڭەسشى ەرلان كاريننىڭ توراعالىعىمەن وتكەن مەملەكەتتىك ورگاندار وكىلدەرىنىڭ قاتىسۋىمەن وتكەن كەڭەستە قارالدى. وسى كەڭەستە تالقىلانعان ماسەلەلەر جايىندا دينارا زاكيەۆا Facebook-تەگى پاراقشاسىندا ارنايى جازبا جاريالادى:
ء«ىىم مالىمەتتەرى بويىنشا, بالالار اراسىندا سۋيتسيد جاساۋشىلاردىڭ ورتاشا جاسى 15-17 جاستى قۇرايدى, الايدا ودان دا ەرتە, ياعني 11-13 جاستاعىلار اراسىندا دا جاعدايلار ءجيى كەزدەسەدى. نەگىزگى سەبەپتەرى:
- جالعىزدىق,
- اتا-انالارىمەن, تۋىستارىمەن, قۇرداستارىمەن قارىم-قاتىناسى,
- بۋللينگ, قورقىتىپ-ۇركىتۋ قۇربانى بولعاندا,
- سونىمەن قاتار, قازىرگى الەمدە الەۋمەتتىك جەلى دە سۋيتسيدكە تۇرتكى بولىپ جاتاتىنى جاسىرىن ەمەس.
وسىعان بايلانىستى اتالعان كەڭەستە كيبەرقاۋىپسىزدىك ماسەلەلەرى تالقىلاندى. بيىل مادەنيەت جانە اقپارات مينيسترلىگى ءسۋيتسيدتى ناسيحاتتايتىن اقپاراتتى تاراتۋدىڭ 22 فاكتىسىن انىقتادى, ونىڭ ناتيجەسىندە 19 ماتەريال جويىلدى; زورلىق-زومبىلىقتى ناسيحاتتايتىن اقپاراتتى تاراتۋدىڭ 157 فاكتىسى, ونىڭ ىشىندە 56 ينتەرنەت-رەسۋرس شەكتەلدى; سونداي-اق 101 ماتەريال بويىنشا حابارلامالار جىبەرىلدى.
ۋاكىل بۇگىنگى تاڭدا اتالعان مينيسترلىك Telegram جانە Meta وكىلدەرىمەن بايلانىسىپ, بالالاردى تارتۋ ءۇشىن پايدالانىلۋى مۇمكىن بەلگىلى ءبىر اتاۋلارى بار بارلىق توپتاردى جويۋدى سۇراعانىن باسا اتاپ ءوتتى.
«كەڭەسكە قاتىسۋشىلار اتا-انالارمەن اقپاراتتىق جۇمىس جۇرگىزۋ تۋرالى ماسەلەنى كوتەردى. اتاپ ايتقاندا, اتا-انالار بالالاردىڭ مىنەز-قۇلقىنداعى قانداي وزگەرىسكە نازار اۋدارۋى كەرەك جانە بالانىڭ كومەككە مۇقتاج ەكەنىن قالاي تۇسىنۋگە بولاتىندىعى تۇرعىسىندا», دەيدى ول.
ونىڭ ايتۋىنشا, الدىن الۋ شارالارىنا بالانىڭ حابارلاسۋ قۇرالدارىن قۇرۋ جاتادى.
«سوندىقتان ءبىز ءتسدياوم-مەن بالالار دا ءجيى جۇگىنەتىن 111 بايلانىس ورتالىعىنىڭ جۇمىس ساپاسىن ارتتىرۋ بويىنشا جۇمىس ىستەپ جاتىرمىز. ماسەلەن, جاقىندا زورلىق-زومبىلىققا ۇشىراعان قىز حابارلاستى, ونىڭ ءوز-وزىنە قول جۇمساۋ نيەتى بارى انىقتالدى. قوڭىراۋ ناتيجەسىندە كۇدىكتى ۇستالدى, تەرگەۋ ءجۇرىپ جاتىر. 11 ايدا پسيحوەموتسيونالدى جاعداي جانە سۋيتسيد جاساۋعا نيەتتەنۋ ماسەلەلەرى بويىنشا 1 237 ءوتىنىش تۇسكەن. بارلىعى 75 مىڭ قوڭىراۋ ءتۇستى. ارينە, مەكتەپتەردەگى بالالارمەن جۇمىس جايى دا تالقىلاندى», دەيدى ومبۋدسمەن.
