جيىن-تەرىم بەرەكەلى بولعاي!

بيىل قىزىلجار ءوڭىرىنىڭ ديقاندارى 4,4 ملن گەكتارعا استىق سىڭىرگەن, سونىڭ 3,3 ملن گەكتارى – ءداندى داقىلدار. ەگىن وراعىنا وبلىستا 7 مىڭنان ارتىق كومباين شىعارىلعان. استىق قابىلدايتىن 46 ەلەۆاتور (سىيىمدىلىعى – 3,2 ملن توننا) بار. ولاردان باسقا 3,7 ملن توننا استىق قابىلداي الاتىن 332 استىق قابىلداۋ پۋنكتى بار. ديقاندار ءليترى 250 تەڭگەگە ارزانداتىلعان جانار-جاعار­مايمەن تولىق قامتىلعان.

اۋىل شارۋاشىلىعى باسقارماسىنىڭ سوڭ­عى مالىمەتىنە قاراعاندا, 1 ملن 210 مىڭ گەكتار جەردىڭ استىعى ورىلىپ, باس­­تىرىلعان. الىنعان استىق كولەمى 2 ملن 100 مىڭ تونناداي. استىق شىعىمدىلىعى ورتا ەسەپپەن گەكتارىنان 17,1 تسەنتنەردەن اي­نا­لىپ جاتىر. بىلتىر بۇل ۋاقىتتا 1 ملن 370 مىڭ گەكتار القاپتىڭ استىعى ورى­لىپ الىنعان ەدى. الىنعان استىق كولەمى 1 ملن 400 مىڭ تونناداي بولعان. گەكتار شى­­عىم­دىلىعى ول كەزدە 10,6 تسەنت­نەر­­دەن اينالعان.

قىزىلجار اۋدانىندا 7,5 مىڭ گەكتار جەرگە ەگىن سالاتىن, جومارت وماروۆ باسقاراتىن «JJ Trade group» جشس-نا سوعىپ, وراق بارىسىن بىلدىك.

«بيىلعى ەگىن بىتىك شىقتى, بىراق الۋ قيىنعا اينالىپ تۇر. كوپ جاۋعان جاڭبىردان ءارامشوپ تە قاپتاپ كەتتى. ونى قۇرتۋ – قوسىمشا جۇمىس. ءبىزدىڭ ەگىس القابىمىزدىڭ شىعىمدىلىعى ءارتۇرلى. ەڭ ناشار دەگەن القاپتان گەكتارىنا 20 تسەنتنەردەن الىپ جاتىرمىز. سونىمەن بىرگە 25–30 تسەنتنەرگە دەيىن استىق وسكەن القاپتار بار. سوندا ورتا ەسەپپەن 25 تسەنت­­نەردەن اينالاتىن شىعار. بىزگە ەڭ باستىسى اۋا رايى قۇرعاق بولىپ, ەندى ءبىر 10 كۇندەي تۇرسا دەپ تىلەيمىز», دەدى.

ديقاننىڭ ايتۋىنشا, قازىر اس­تىق قابىلداۋ ورىندارى اۋزى-مۇر­نىنان شى­عىپ, ماشينالارعا تولىپ تۇر. استىق­تىڭ ىلعالدىلىعى دا جو­عارى, سوڭعى الىن­عان استىق قانا ءبىر­شاما قۇرعاپ, 15 پايىزعا دەيىن تۇسكەن. الدىڭعى تاپ­سى­رىل­عاندار
20–25 پايىزدىق ىلعالدى­لىق­پەن وتكەن.

تاجىريبەلى ديقان بيىلعى استىق باعاسى دا 3-سىنىپقا 80 مىڭنان اسپايتىن شىعار دەپ ويلايدى. «ادەتتە استىق كوپ بولعان جىلداردا باعا تومەندەيدى عوي. ازىرگە ازىق-ت ۇلىك كورپوراتسياسى بيدايدىڭ باعاسىن ناقتى بەلگىلەگەن جوق, بىراق 80 مىڭ تەڭگەنىڭ شاماسىندا بولار دەپ ويلايمىن», دەدى.

اۋىل شارۋاشىلىعى باسقارماسى ازىرگە استىق قابىلداۋ كاسىپورىندارىنا 370 مىڭ تون­ناداي استىق جەتكىزىلگەنىن مالىمدەدى. سونىڭ 226 مىڭ توننادايى – بيداي. سونىڭ ىشىن­دە جۇمساق سۇرىپتىسى – 210 مىڭ تونناداي. ساپاسى ءۇشىنشى سىنىپقا سايكەستەرى – 93,5 مىڭ توننا. بۇل – بارلىق بيدايدىڭ 44,3 پا­ي­ىزى. ال ءتورتىنشى سۇرىپتاعىلار – 97,9 مىڭ توننا, 46,4 پايىز. قازىر 39 استىق قا­بىل­داۋ كاسىپورنى جۇمىسقا تولىق كىرىس­كەن.

سولتۇستىك قازاقستان وبلىسى