86 جاستاعى اۋىل تۇرعىنى حۋان سوعىس كەزىنەن قالعان بوياۋلارمەن ءوز ءۇيىنىڭ قابىرعاسىن اسەمدەي باستايدى. بۇل يدەيا جەرگىلىكتى جاستارعا ۇناپ, اۋىلداعى بارلىق ءۇيدىڭ قابىرعاسىن بوياپ, سۋرەت سالىپ شىعادى. مۇنى كورگەن حالىق اۋىلدى قۇتقارۋدىڭ جالعىز ءادىسى – ونى تۋريستىك مەكەنگە اينالدىرۋ ەكەنىن تۇسىنەدى. ءبارى جۇمىلىپ ەسكى اۋىلدى ءتۇرلى ءتۇستى بوياۋمەن اسەمدەيدى. قازىر تايچۋن اۋىلى تورتكۇل دۇنيەدەن تۋريستەر ارنايى ىزدەپ باراتىن اۋماققا اينالعان.
يلوننىڭ كەزەكتى يگىلىگى
يلون ماسك تاعى دا چيپ شىعاردى. بۇل جولعى «Blindsight» ءچيپى كورۋ قابىلەتىن قايتارادى.
قۇرىلعى ەكى كوزى مەن كورۋ جۇيكەسىن جوعالتقاندارعا كورۋ مۇمكىندىگىن سىيلايدى. ەگەر كورۋ قىرتىسى ءبۇتىن بولسا, تۋعاننان كورمەيتىندەر دە دۇنيەنىڭ جارىعىن تاماشالاي الادى. «باستاپقىدا كورۋ «Atari» گرافيكاسى سياقتى تومەن اجىراتىمدىلىقتا بولادى. بىراق ۋاقىت وتە ەش كەدەرگىسىز كورەدى. ينفراقىزىل, ۋلتراكۇلگىن, ءتىپتى راديولوكاتسيالىق دياپازوندارعا جەتەدى», دەيدى يلون.
التىن قاندى ادام
دجەيمس حارريسوندى ءبارى «التىن قاندى ادام» دەپ اتاپ كەتكەن. سەبەبى 70 جىل بۇرىن ول ميلليونداعان ادام ءومىرىن قۇتقاراتىن ەرەكشە شەشىم شىعارعان.
ونىڭ قانىندا D رەزۋس-فاكتورىنىڭ انتيگەنىنە قارسى انتيدەنەلەر بار بولعان. قان پلازماسىنىڭ نەگىزىندە قان سارىسۋى جاسالىپ, وزگە ەمدەلۋشىلەرگە قولدانىلا باستادى. حارريسون 57 جىل بويى 3 اپتادا ءبىر رەت قان تاپسىرىپ تۇرعان. 2011 جىلى ول 1000 رەت قان تاپسىرىپ, گيننەستىڭ رەكورتار كىتابىنا ەندى. 2015 جىلعا دەيىن اۋستراليانىڭ بۇكىل انتيرەزۋستىك ءدارى-دارمەكتەرى دجەيمستىڭ قان پلازماسىمەن جاسالىپ كەلدى. دجەيس حارريسون ارقاسىندا 2,4 ميلليوننان استام نارەستە امان قالدى, ولاردىڭ ىشىندە دجەيمستىڭ ءوز قىزى دا بار.
