سۋرەت: primeminister.kz
ديالوگ بارىسىندا قوناقتارعا ەلىمىزدەگى قازىرگى ماكروەكونوميكالىق جاعداي, ينۆەستيتسيالىق احۋالدى جاقسارتۋ بويىنشا اتقارىلىپ جاتقان جۇمىستار, ينفراقۇرىلىم مەن وڭدەۋ ونەركاسىبى سالاسىنداعى جاڭا باعدارلامالار مەن جوبالار تۋرالى اقپارات بەرىلدى.
بانك قىزمەتىنىڭ ەرەكشەلىگىن ەسكەرە وتىرىپ, ەلىمىزدە كولىك, ەنەرگەتيكا, سۋ جانە الەۋمەتتىك ينفراقۇرىلىمدى جاڭعىرتۋ مەن سالۋعا باعىتتالعان ۇكىمەتتىڭ باستامالارىنا ەرەكشە نازار اۋدارىلدى.
ء«بىز ازيا ينفراقۇرىلىمدىق ينۆەستيتسيالار بانكىمەن ودان ءارى ىنتىماقتاستىقتىڭ كەلەشەگىن جوعارى باعالايمىز. قازاقستاننىڭ جاڭا ينۆەستيتسيالىق تسيكلگە اياق باسىپ وتىرعانىن ءارى بۇگىنگى تاڭدا حالىقارالىق قارجى ينستيتۋتتارىمەن قاتار جەكە ينۆەستورلاردى دا ينۆەستيتسيالىق تۇرعىدان قىزىقتىراتىن بىرقاتار ءىرى جوبانى ۇسىنىپ وتىرعانىن اتاپ وتكىم كەلەدى», دەدى ۆيتسە-پرەمەر.
كونستانتين ليميتوۆسكي قازاقستان ايب قۇرىلتايشىلارىنىڭ ءبىرى رەتىندە بانكتى قۇرۋ مەن دامىتۋدا ەلەۋلى ءرول اتقارعانىن اتاپ ءوتتى. ىنتىماقتاستىقتى كەڭەيتۋدىڭ وراسان زور الەۋەتىن مويىنداي وتىرىپ, ايب ەلىمىزدىڭ ۇلتتىق دامۋ جوسپارىن تابىستى جۇزەگە اسىرۋعا ۇلەس قوسۋعا, سونداي-اق 2060 جىلعا قاراي كومىرتەگى بەيتاراپتىعىنا قول جەتكىزۋ ءۇشىن دەكاربونيزاتسياعا دەگەن ۇمتىلىسىن قولداۋعا دايىن.
ايب مەن ۇلتتىق ەكونوميكا مينيسترلىگى اراسىنداعى كەزدەسۋ اياسىندا ءۇش جىلدىق ينۆەستيتسيالىق جوسپاردى بىرلەسىپ ازىرلەۋ نيەتى تۋرالى دەكلاراتسياعا قول قويىلدى, ول ىقتيمال قارجىلاندىرۋ ءۇشىن سەكتورلاردى, سالالار مەن جوبالاردى كورسەتەتىن بولادى.
