مەكتەپ اسحانالارى تەكسەرىلەدى

قالا اكىمىنىڭ ورىنباسارى اسەم ءنۇسىپوۆا ىستىق تاماق ۇيىم­داستىرۋ مەن سانيتارلىق نورمالاردى ساقتاۋ بويىنشا توپ قۇرۋ تۋرالى بۇيرىقتىڭ بەكىتىلگەنىن مالىمدەدى. الداعى ۋاقىتتا وسى باعىتتاعى جۇمىس كۇشەيتىلەدى.

كوميسسيانى قالا اكىمىنىڭ ورىن­باسارى, دەپۋتاتتار, سانيتار­لىق ەپيدەميولوگتار, مەديتسينا ما­ماندارى جانە اتا-انالار ­قو­عام­­داستىعىنىڭ وكىلدەرى كىرگەن ۆە­دومست­ۆوارالىق ساراپتاما توبى باس­قارادى.

بيىلعى وقۋ جىلىندا جاڭا ءمازىر ۇسىنىلىپ, اسحانالاردا تا­عام قاۋىپسىزدىگىنە باعا بەرىل­مەك. قازىرگى تاڭدا 328 مەكتەپ باقى­لاۋدا تۇر. مەكتەپتەردىڭ 322-ءسى ىستىق تاماقپەن قامتىلعان بولسا, ولاردىڭ 133 مىڭنان استامى الەۋمەتتىك وسال توپتارعا جاتادى.

قالالىق سانيتاريالىق-ەپي­دەميولوگيالىق باقىلاۋ دەپارتامەنتىنىڭ دەرەگىنشە, بۇگىنگى كۇنى 328 مەكتەپ باقىلاۋعا الىنعان, ونىڭ 322-سىندە ىستىق تاماق ۇلەستىرىلىپ, قالعانى بۋفەت جۇيەسىمەن جۇمىس ىستەپ جاتىر.

– بۇگىندە جەكە كاسىپكەرلەرگە جالعا بەرىلگەن مەملەكەتتىك مەك­تەپ­تەگى اسحانالار سانى – 215. ءبىلىم باس­قار­ماسىنىڭ مالىمەتىنشە, قازىرگى كەزدە 54 مەكتەپتىڭ اسحاناسىن جالعا الۋشىلار اۋىس­قان. ولار وزدەرىنە قاتىستى سانيتار­لىق-ەپيدەميالىق قورى­تىن­دىنى ۋاقىتىندا الىپ وتىرۋعا ءتيىس, – دەدى دەپارتامەنت باسشىسى قاسىم­حان الپىسباي ۇلى.

قازاق تاماقتانۋ اكادە­ميا­سىنىڭ مەكتەپتەگى تاماقتانۋ جونىن­دەگى مامانى ۆەرونيكا ۋليۆا­نو­ۆا­نىڭ ايتۋىنشا, اسحانالاردىڭ ون­دىرىستىك جاعدايى سانيتارلىق-گي­گيە­نالىق نورمالارعا سايكەس­تى­گى­مەن قاتار, تاماق ونىمدەرىنە ميك­رو­­­­بيولوگيالىق زەرتتەۋلەر دە جۇر­گى­زىلۋى قاجەت.

بۇعان دەيىن ءمالىم بول­عا­نىن­داي, سىبايلاس جەمقورلىققا قارسى ءىس قيمىل اگەنتتىگىنىڭ مالى­مەتىنشە, الماتىدا مەكتەپ اسحانالارىن جوندەۋگە 2 ملرد تەڭگەگە جۋىق قارجى ءبولىنىپ, ونىڭ نارىقتاعى باعادان 4 ەسە قىم­باتتىعى انىق­تال­عان. جاۋاپ­تى تۇلعالار مەم­لە­كەتتىك ساتىپ الۋ ارقىلى, وسىلاي­شا, اقشا جىمقىرۋعا كوشكەن. سى­باي­لاس جەمقورلىققا قارسى ءىس-قيمىل اگەنتتىگى مونيتورينگ باس­قار­ما­سىنىڭ اعا وفيتسەرى الى­شەر قۇمار­بەكوۆتىڭ ايتۋىنشا, قازىر بۇل لوتتارعا توسقاۋىل قويى­لىپ, تەندەر توقتاتىلعان. انىق­تال­عانىن­داي, ءار مەكتەپتىڭ اسحاناسىن جوندەۋگە 70-79 ميلليون تەڭگە كولەمىندە جۇمساماق بولعان. تال­داۋ بارىسىندا مۇنداي قىز­مەت­تەر­دىڭ نارىقتىق باعاسى 20 ملن تەڭ­گەنىڭ كولەمىندە ەكەنى بەلگىلى بو­لىپ وتىر. جىل باسىنان بەرى بۇل باعىتتا 71 ملن تەڭگەدەن اس­تام قاراجات ۇنەمدەلدى. سوڭعى 4 جىل­­دا 170 ملن تەڭگەنىڭ زاڭسىز جۇ­م­­سالۋىنا توسقاۋىل قويىل­عان. جاۋاپ­تىلار تەحنيكا مەن جاب­دىق­تار, جانار-جاعارماي, كەڭ­سە تا­ۋارلارى, قۇرىلىس جۇمىس­تا­رىنا باعانى زاڭسىز كوتەرىپ وتىرعان.

الماتى