جالاۋ اتۋ سايىسىن سىنالتۋعا 335–500 وق بويى قاشىقتىققا كىشكەنتاي جالاۋ تىگىپ, مەرگەندەردىڭ ارقايسى 4 وقپەن اتاتىن بولعان. بۇل سايىستا مەرگەندەر جەبەسى جەڭىل وق پايدالانادى. كونە جازبالاردا: «335-500 وق بويى قاشىقتىققا جىلقىنىڭ باس سۇيەگىن ورنالاستىرىپ, ونىڭ ۇستىنە شاعىن جالاۋشا شانشيدى. ونى 15 قۋاتتى كۇشى بار ساداقپەن اتادى» دەپ جازىلعان ەكەن (پەرلەە ح. كيدان جانە كوشپەلىلەر بايلانىسى. ۇلانباتىر, 1969. 73-ب).
بۇل سايىستىڭ ماڭىزى حاقىندا ايتار بولساق, مەرگەن جەلبىرەپ تۇرعان جالاۋدى اتادى. جالاۋ ۇنەمى جەلدىڭ باعىتىنا باعىنىپ, قۇيقىلجىپ تۇراتىندىقتان ونى اتاتىن ادام اۋەلى, جەلدىڭ باعىتىن ەسەپكە الادى. ودان كەيىن, جەلمەن جەلبىرەپ قۇيقىلجىپ تۇرعان جالاۋ-نىساناعا جەبە دارىتۋ ءۇشىن اسا ەپتىلىك قاجەت. دەمەك, بۇل سايىس – مەرگەندەردىڭ ەپتىلىگى مەن دالدىگىن سىنايتىن سايىس.
