مال باسىن كوبەيتۋ ارقىلى وتباسىلىق كاسىپتى دوڭگەلەتىپ وتىرعان قوجالىق باسشىسى نۇقانات مامىتاقىنوۆ 2017 جىلى «نۇرقانات» شارۋا قوجالىعىن قۇرعان. قاراماعىنداعى مال باسىن كوبەيتىپ, شارۋاشىلىعىن كەڭەيتۋدى دىتتەگەن شارۋا قىستىڭ قامىنا كىرىسىپ كەتكەن. شاپقان شوپتەرىن جيناپ, قىستاققا تاسىپ الۋ قامىندا جۇرگەن وتباسىلىق كاسىپ يەلەرىنىڭ تىنىمسىز تىرلىگى سۇيسىنتەدى. اعالى-ءىنىلى ەكى ازاماتتىڭ ءبىرى تاڭ بوزىنان تراكتورىن «تىزگىندەپ» ءشوپ شاۋىپ جۇرسە, ەندى ءبىرى شابىلعان ءشوپتى باۋلاۋدا بەل جازباي جۇمىس ىستەيدى. ءشوبى شۇيگىن شابىندىق توسىندەگى قوجالىق جەتەكشىسى نۇرقانات پەن ءىنىسى نۇرلاننىڭ شاۋىپ, باۋلاعان ءشوبى «يۋمز-6» تەحنيكاسىمەن تاسىمالدانادى.
«شىلدەنىڭ ورتاسىنان اۋا شابىندىققا شالعى تۇسىردىك. بىلتىر وسى 40 گەكتار شابىندىق جەردەن 85 دانا باۋلانعان ءشوپ جينالعان. بيىل بۇيىرسا, مولشەرمەن 100 ورامنان اسا الۋدى جوسپارلاپ وتىرمىز. ءبىر بۋىلعان ءشوپتىڭ ورتاشا سالماعى شامامەن 250-280 كيلوداي بولادى. قازىر قوجالىققا قاراستى «داردامتى» جەرىن شاۋىپ جاتىرمىز. ءشوپتىڭ ءتۇسىمى بىلتىرمەن سالىستىرعاندا الدەقايدا جوعارى. بيىل ىلعال مول بولىپ, ءشوپ بىتىك شىقتى. اۋا رايى اشىق بولسا شابىندىقتى ءبىر اپتا ارالىعىندا اياقتاپ, «تەمىرلى ساي» دەپ اتالاتىن شابىندىققا جىلجيمىز. ونىڭ كولەمى 80 گەكتار», دەيدى شارۋا قوجالىق يەسى.
الماتى وبلىسى,
كەگەن اۋدانى
