عىلىمي الەۋەتتى ارتتىرۋ قادامى

كەزدەسۋدە گونكونگ ءبىلىم بەرۋ ۋنيۆەرسيتەتىنىڭ ينتەرناتسيونالداندىرۋ جونىندەگى ۆيتسە-پرە­زي­دەنتى, پروفەسسور لو سينگ كاي «Kazakh Centers of Education» جوباسىمەن تانىستىرىپ, الەۋەتتى ارتتىرۋ باعدارلاماسى, حالىقارالىق كون­فەرەنتسيا ۇيىمداستىرۋ جانە جازعى, قىسقى مەكتەپتەردى وتكى­زۋگە قاتىستى مالىمەتتەردى باياندا­دى. سونىمەن بىرگە پروفەسسور عا­لىم­داردىڭ عىلىمي جوبالاردى جۇزەگە اسىرۋ جانە «جاساندى ينتەل­لەكت جانە ينكليۋزيۆتى ءبىلىم بەرۋ» ورتالىعىنىڭ قىزمەتىنە قا­تىس­تى تاقىرىپتاردى دا تىلگە تيەك ەتتى.

بۇگىندە گونكونگ ءبىلىم بە­رۋ ۋنيۆەرسيتەتى «QS World University Rankings by Subject» رەيتينگىندە پاندەر بويىنشا 20-ورىندا تۇر. ۋنيۆەرسيتەت عالىمدارىنىڭ پىكىرىنشە, الەمدىك ءبىلىم كەڭىستىگىندە بەدەلدى وقۋ ورنىمەن سەرىكتەستىك اكادەميالىق جانە عىلىمي الەۋەتتى ارتتىرۋعا ىقپال ەتپەك.

كەزدەسۋ بارىسىندا عالىمدار مەن زەرتتەۋشىلەر تاراپىنان جاساندى ينتەللەكت پەن ينكليۋزيۆتى ءبىلىم بەرۋ ورتالىعىنىڭ جۇمى­سى­نا باسىمدىق بەرىلدى.

ايتالىق, قوس ۋنيۆەرسيتەت عىلىم مەن ءبىلىم سالاسىنداعى ىنتىماقتاستىقتى تەرەڭدەتۋ, ءبىلىم الماسۋ ماقساتىندا جوعارى وقۋ ورىندارى اراسىنداعى بايلانىستى كەڭەيتۋ تۋرالى كەلىسىمگە قول جەتكىزگەن. بۇعان دەيىنگى كەزدەسۋلەردە گونكونگ ءبىلىم بەرۋ ۋني­ۆەرسيتەتىنىڭ وكىلدەرى ء«بىر بەل­دەۋ, ءبىر جول» جوباسى اياسىندا ۋني­ۆەرسيتەت وقىتۋشىلارىمەن, ستۋ­دەنت­تەرىمەن سۇحبات جۇرگىزگەن ەدى. ەندى عىلىم, ءبىلىم سالاسى وكىلدەرى اراسىندا وتكەن مۇنداي كەزدەسۋ الداعى ۋاقىتتا دا جاندانا تۇسپەك.

الماتى