فەستيۆالدە بارلىعى 130-دان اسا الما سورتى ۇسىنىلدى. ولاردىڭ ىشىندە سالتانات, اينۇر, راشيدا, گالا, راحات, ليمونكا, گرۋشوۆكا, امەريكالىق, اپورت جانە باسقالارى بار. اكىمدىكتىڭ مالىمەتىنشە, بيىل 50 الماتىلىق باۋ-باقشا شارۋاشىلىعى 130 توننادان استام الما, سونىڭ ىشىندە تانىمال «اپورت» سورتىن اكەلگەن. كومپوتتى كاسىبي اسپازدار توبى دايىنداپ, ءبىر ءليترىن 500 تەڭگەدەن ساتقان. تۇسكەن اقشا قالاداعى ساياباقتاردى بەزەندىرۋگە, قۇس ۇياسى, اعاش كوشەتتەرىنە جۇمسالادى.
بايلىقتان باس تارتقان تاقۋا
ء«ومىر اقشا مەن ۋاقىتتىڭ ويىنىنان تۇرادى» دەيدى روبەرت كيوساكي. ال قىتايلىق ليۋ تسزيانچۋن مۇنىمەن كەلىسپەيدى. سەبەبى ول بارىنەن باس تارتقان.
التى جىل بۇرىن ليۋ تسزيانچۋن وتە باي بولدى. قىتايداعى ءىرى توقىما زاۋىتىنىڭ بەدەلدى مۇشەسى اقشادان اق ساراي سالعانى دا راس. ءبىر كۇنى ول قوناقۇيدەن بەلگىسىز ءبىر جان ۇمىتىپ كەتكەن بۋدديزم تۋرالى كىتابىن تاۋىپ الادى. سول ساتتەن باستاپ دۇنيەتانىمى تۇبەگەيلى وزگەرەدى. قولىنداعى بارلىق مال-مۇلكىن ساتىپ, قايىرىمدىلىققا جۇمسايدى. قىزىلدى-جاسىل تىرشىلىكتەن باس تارتىپ, ەكى جىل تاۋدا جالعىز ءومىر سۇرەدى. ال قازىر ول – بۋددا عيباداتحاناسىندا تاقۋا.
جوتەلىنە قاراپ, اۋرۋىن تانى...
«Google» جوتەل ارقىلى اۋرۋ ءتۇرىن انىقتايتىن جاساندى ينتەللەكت جاساپ شىعاردى.
«Health Acoustic Representations» تىنىس الۋ مەن جوتەلدى تىڭداۋ ارقىلى اۋرۋ بەلگىلەرىن ەرتە كەزەڭدە انىقتايدى. مەديتسينالىق مودەل 300 ملن اۋديودەرەكتىڭ نەگىزىندە دايىندالدى. ىشىنە 100 ملن جوتەل دىبىسى دا ەنگىزىلگەن. زەرتتەۋشىلەردىڭ ايتۋىنشا, ادام اعزاسىنىڭ جوتەل, سويلەۋ, تىنىس الۋ دىبىستارىنا قاراپ دەنساۋلىعى تۋرالى بارلىق اقپاراتتى الۋعا بولادى.
