العاش رەت اقىلى رەيس ارقىلى عارىشقا ۇشقان تۋريستەر دجارەد ايزەكمان مەن سارا گيلليس قىزىقتى مالىمەتتەر تاپتىق دەيدى. بۇل تۋرالى گەرمانيانىڭ «Bild» باسىلىمى جازدى. وسىلايشا, «Polaris Dawn» عارىش كەمەسى ەرەكشە ميسسياسىن ءساتتى اياقتادى. ولار وتكەن جەكسەنبى كۇنى فلوريدانىڭ وڭتۇستىگىندەگى تەڭىزگە قوندى. الداعى ۋاقىتتا ساياحاتتارى تۋرالى تولىق مالىمەت بەرەدى.
ەرەكشە كيىز ءۇي
«Lego» كومپانياسى كوشپەلىلەر مادەنيەتىن دارىپتەيتىن كيىز ءۇي ويىنشىعىن شىعارماق.
قۇراستىرمالى ويىنشىق شىعاراتىن «Lego» كومپانياسى كوشپەلىلەر مادەنيەتىن دارىپتەيتىن كيىز ءۇي ويىنشىعىن شىعارماق. ونىڭ الەمدەگى ەڭ تانىمال ويىنشىقتاردىڭ ءبىرى ەكەنى ءمالىم. ول بالالاردىڭ قيالىن دامىتىپ, شىعارماشىلىق قابىلەتىن ارتتىرادى. «Lego Nomad Yurt» جوباسىنا داۋىس بەرۋ — بۇل تەك ويىنشىق شىعارۋ ەمەس, مادەني مۇرامىزدى ساقتاپ, ونى كەلەشەك ۇرپاققا جەتكىزۋ. Lego كيىز ءۇيى ۇلتتىق قۇندىلىقتارىمىزدى ناسيحاتتاپ قانا قويماي, ەلىمىزدىڭ تۋريستىك الەۋەتىن دە ارتتىرادى», دەيدى جوبا اۆتور اينۇر پولاتوۆا.
اقىلدى قۇس
جەر بەتىندەگى ەڭ نازىك جاراتىلىس يەسى قۇستار شىعار. وزدەرىن قورعاۋعا نەبىر ايلا-ءتاسىل جاساپ جاتادى. سونىڭ ءبىرى – جاسىرىن بولمە سالۋ.
افريكانى مەكەن ەتەتىن انتوسكوپ تۇقىمداس قۇستار ەرەكشە ۇيا جاسايدى. ولار ۇيانىڭ ىشىنەن جاسىرىن بولمە سالادى. بولمەنىڭ قاقپاعىن وزدەرى اشا الاتىنداي ەتىپ, جاسىرىپ قويادى. بۇل ءادىس جۇمىرتقالاردى جىلانداردان جانە باسقا جىرتقىشتاردان سەنىمدى قورعايدى. عالىمدار قۇستاردىڭ مۇنداي ءتاسىلدى قايدان ءارى قالاي ۇيرەنگەندەرىن زەرتتەپ جاتىر.
