سۋرەت: akorda.kz
اتاپ ايتقاندا, مەملەكەتتىك كەڭەسشى وبلىس اكىمى ەرمەك كوشەرباەۆتىڭ, قالا جانە اۋدان اكىمدەرىنىڭ, مەملەكەتتىك ورگاندار باسشىلارىنىڭ قاتىسۋىمەن ىشكى ساياسات ماسەلەلەرى بويىنشا جينالىس وتكىزدى. جيىندا ازاماتتىق قوعامدى دامىتۋ, ەل بىرلىگىن نىعايتۋ, ونوماستيكالىق جۇمىستى ۇيلەستىرۋ, جاستاردى قولداۋ سالالارىنداعى پرەزيدەنت باستامالارىن جۇزەگە اسىرۋ بارىسى جانە يدەولوگيالىق جۇمىستىڭ باسقا دا ماڭىزدى باعىتتارى تالقىلاندى.
سونداي-اق ۇلتتىق قۇرىلتاي مۇشەلەرى جەرگىلىكتى ساراپشىلارمەن جۇزدەسىپ, شىعىس قازاقستان وبلىسىندا جۇرگىزىلىپ جاتقان تالداۋ جانە زەرتتەۋ جۇمىستارىنا قاتىستى وزەكتى ماسەلەلەردى قوزعادى. باسقوسۋعا قاتىسۋشىلار ءوزارا بىرلەسكەن ءىس-قيمىلدىڭ فورماتىن تالقىلاپ, وڭىردەگى قازىرگى قوعامدىق-ساياسي احۋال جونىندە پىكىر الماستى.
مەملەكەتتىك كەڭەسشى ۇلتتىق قۇرىلتايدىڭ مۇشەلەرىمەن بىرگە شىعىس قازاقستان وبلىسىنىڭ قوعامدىق كەڭەس وكىلدەرىمەن جۇزدەستى. ءىس-شارادا ول پرەزيدەنتتىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى جولداۋىندا مەملەكەتتىك ساياسات جۇرگىزۋ ىسىندە ەكونوميكالىق رەفورمالارعا باسىمدىق بەرىلگەنىن اتاپ ءوتتى.
ەرلان قارين ەلىمىزدىڭ ءوسىپ-وركەندەۋى ءۇشىن وندىرىستىك الەۋەتىمىزدى تولىق پايدالانۋعا ىقپال ەتەتىن جۇيەلى شارالار قاجەت ەكەنىن ايتتى. سوندىقتان ەنەرگيا قۋاتىنىڭ جاڭا كوزدەرىن دامىتۋ, اتاپ ايتقاندا, اتوم ەلەكتر ستانساسىن سالۋ وتە وزەكتى ماسەلە ەكەنىنە نازار اۋداردى. مەملەكەتتىك كەڭەسشى اتوم ەلەكتر ستانساسى ەكونوميكالىق ءوسىمنىڭ ماڭىزدى شارتى عانا ەمەس, سونىمەن قاتار قازاقستاننىڭ ەنەرگەتيكالىق دەربەستىگىن قامتاماسىز ەتۋگە جول اشاتىن تاماشا مۇمكىندىك ەكەنىن ايرىقشا اتاپ ءوتتى.
وڭىرلەردە كەزدەسۋ وتكىزۋ جەرگىلىكتى جۇرتشىلىقپەن ديالوگتى نىعايتۋعا, سونداي-اق ۇلتتىق قۇرىلتايدىڭ قىزمەتى اياسىندا بىرلەسىپ باستامالار مەن ۇسىنىستار ازىرلەۋگە سەپتىگىن تيگىزەدى.
