سۋرەت: ru.freepik.com / drobotdean
ءماجىلىستىڭ قاراۋىنا تاۋار بيرجالارى ماسەلەلەرى بويىنشا زاڭنامالىق وزگەرىستەر ءبىرىنشى وقىلىمدا ەنگىزىلدى. ءتيىستى زاڭ جوباسى پرەزيدەنتتىڭ 2023 جىلعى 1 قىركۇيەكتەگى «ادىلەتتى قازاقستاننىڭ ەكونوميكالىق باعدارى» اتتى جولداۋىن ىسكە اسىرۋ اياسىندا ءماجىلىس دەپۋتاتتارىنىڭ باستاماسىمەن ازىرلەنگەن. زاڭ جوباسىندا بيرجالارعا قويىلاتىن رەتتەۋشىلىك تالاپتاردى قاتاڭداتۋ, مەملەكەتتىك باقىلاۋدى كۇشەيتۋ, سونداي-اق وتاندىق وندىرۋشىلەردىڭ اشىق ساۋدا قۇرالدارىنا قول جەتكىزۋىن قامتاماسىز ەتۋ ۇسىنىلادى.
جالپى وتىرىستىڭ كۇن تارتىبىنە قازاقستان مەن وزبەكستان ۇكىمەتتەرى اراسىنداعى ەكولوگيا جانە قورشاعان ورتانى قورعاۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى زاڭ جوباسى ەنگىزىلدى.
بۇعان قوسا دەپۋتاتتار «پوشتا تۋرالى» زاڭعا ەنگىزىلەتىن وزگەرىستەردى جۇمىسقا الادى.
بيۋرو وتىرىسىندا ءماجىلىستىڭ VIII شاقىرىلىمداعى قوعامدىق پالاتا قۇرامىنا جاڭا مۇشەلەردى قوسۋ ماسەلەسى دە قارالدى جانە دەپۋتاتتاردىڭ سايلاۋشىلارمەن كەزدەسۋ ءۇشىن وڭىرلەرگە ساپارعا شىعۋى تۋرالى اقپارات تىڭدالدى.
