پالاتا سپيكەرى بەدەلدى سايىستىڭ فينالدىق كەزەڭىنە قاتىسۋشىلارعا ءىلتيپات ءبىلدىرىپ, تسيفرلاندىرۋ جانە IT-سالاسى ەلىمىزدە ۇلتتىق دەڭگەيدەگى باسىمدىققا يە ەكەنىن ايتتى. قازىرگى تاڭدا وزىمىزدە IT-ماماندار دايارلاۋعا جانە باعدارلامالاۋ ماماندىعىن وقىتاتىن ۋنيۆەرسيتەتتەردى دامىتۋعا ايتارلىقتاي ينۆەستيتسيا سالىنىپ, مەملەكەت تاراپىنان ۇلكەن قولداۋ كورسەتىلىپ وتىرعانى دا ءسوز بولدى.
«پرەزيدەنتىمىز قاسىم-جومارت توقاەۆ تسيفرلاندىرۋ, ءىت, جاساندى ينتەللەكتىنى دامىتۋ جانە يننوۆاتسيالاردى ەنگىزۋ ماسەلەلەرىنە ۇنەمى باسا ءمان بەرىپ كەلەدى. ەلىمىزدە ستارتاپتارعا قولداۋ كورسەتۋ جانە وزىق تەحنولوگيالاردى ەنگىزۋ باعىتى دا جۇيەلى جولعا قويىلعان. IT-حابتار مەن تەحنولوگيالىق ورتالىقتار قۇرىلىپ جاتىر. وسى سايىستا قازاقستانداعى جەتەكشى تەحنيكالىق جوعارى وقۋ ورىندارىنىڭ بەس كومانداسى ەل نامىسىن قورعايدى», دەدى م.اشىمباەۆ.
سونداي-اق سەنات سپيكەرى باعدارلامالاۋ ادامزاتتىڭ امبەباپ ءتىلى ەكەنىن, ول ءتۇرلى سالانىڭ دامۋىندا ماڭىزدى ءرول اتقاراتىنىن ايتتى.
«سپورتتىق باعدارلامالاۋ – جاي باسەكە عانا ەمەس. بۇل – سىني ويلاۋدى دامىتۋعا, كاسىبي داعدىلاردى جەتىلدىرۋگە, كۇردەلى مىندەتتەردى ورىنداۋدى ۇيرەنۋگە جانە كوماندامەن ءتيىمدى جۇمىس ىستەۋگە جول اشاتىن بىرەگەي مۇمكىندىك. مۇنداي قابىلەتتەر كەز كەلگەن سالادا تابىسقا جەتۋدىڭ نەگىزى ەكەنى انىق. ICPC قورى الەم بويىنشا جاستارعا جاڭا مۇمكىندىكتەر بەرۋ جانە تسيفرلىق تەڭسىزدىكتى ەڭسەرۋ جولىندا ماڭىزدى ميسسيا اتقارىپ كەلەدى. سول ءۇشىن ريزاشىلىعىمىزدى بىلدىرەمىز. الداعى ۋاقىتتا دا IسPC قورىمەن ىنتىماقتاستىعىمىز نىعايىپ, بىرلەسىپ ناتيجەلى جۇمىس ىستەيمىز دەپ سەنەمىن», دەگەن ول جارىسقا قاتىسۋشىلارعا ساتتىلىك تىلەدى.
سونىمەن قاتار پالاتا توراعاسى ICPC قورىنىڭ اتقارۋشى ديرەكتورى ۋيليام پاۋچەرمەن ەلىمىزدە سپورتتىق باعدارلامالاۋدى ودان ءارى دامىتۋ كەلەشەگىن تالقىلادى. اتاپ ايتقاندا, قاتىسۋشىلاردى دايارلاۋ, جاتتىقتىرۋشىلاردىڭ بىلىكتىلىگىن ارتتىرۋ, جوعارى وقۋ ورىندارىن قاجەتتى ينفراقۇرىلىم جانە ماتەريالدىق-تەحنيكالىق تۇرعىدان جابدىقتاۋ جانە باسقا دا وزەكتى ماسەلەلەر ءسوز بولدى. ۋيليام پاۋچەر ءوز تاراپىنان ماۋلەن اشىمباەۆقا قازاقستاننىڭ باعدارلامالاۋدى قولداعانى جانە ەلدە كەڭىنەن دارىپتەگەنى ءۇشىن ريزاشىلىعىن ءبىلدىردى.
ايتا كەتەيىك, International Collegiate Programming Contest (ICPC) – الەمدەگى 110 ەلدىڭ ۇزدىك جوعارى وقۋ ورىندارىنىڭ باسىن قوساتىن سپورتتىق باعدارلامالاۋ بويىنشا ەڭ كونە, ەڭ ءىرى جانە ەڭ بەدەلدى جارىس. استانادا 15-20 قىركۇيەك ارالىعىندا وتەتىن 48-ءىنشى چەمپيوناتتىڭ فينالىنا الەمنىڭ ءار تۇكپىرىنەن 600 باعدارلامالاۋشى قاتىسىپ جاتىر.
فينالدىق كەزەڭدە ەلىمىز اتىنان Nazarbayev University, حالىقارالىق اقپاراتتىق تەحنولوگيالار ۋنيۆەرسيتەتى, Astana ءىت University جانە قازاقستان-بريتان تەحنيكالىق ۋنيۆەرسيتەتى ونەر كورسەتەدى. بۇعان دەيىن حالىقارالىق اقپاراتتىق تەحنولوگيالار ۋنيۆەرسيتەتىنىڭ كوماندالارى ICPC World Finals الەمدىك فينالىنا 5 رەت شىعىپ, سولتۇستىك ەۋرازيا ايماعى بويىنشا ۇزدىك 12 جوعارى وقۋ ورنىنىڭ قاتارىنان كورىنگەن ەدى. بىلتىر ICPC الەم چەمپيوناتىندا وتانداسىمىز باتىر سارداربەكوۆ ەل تاريحىنداعى العاشقى التىندى جەڭىپ الدى.
