سۋرەت: instagram @madeniet__aqparat__ministrligi
جيىنعا پارلامەنت دەپۋتاتتارى, قازاقستان حالقى اسسامبلەياسىنىڭ, ورتالىق مەملەكەتتىك ورگانداردىڭ وكىلدەرى, سونداي-اق وتاندىق جانە حالىقارالىق عىلىمي-ساراپشىلىق قوعامداستىقتىڭ مۇشەلەرى قاتىستى. كونفەرەنتسيا پرەزيدەنتتىڭ بيىلعى جولداۋىندا كورسەتىلگەن باسىم باعىتتار اياسىندا ەتنوسارالىق كەلىسىم مەن ۇلتتىق بىرلىكتى نىعايتۋدىڭ زاماناۋي ۇردىستەرى مەن تاسىلدەرىن تالقىلاۋدىڭ الاڭىنا اينالدى.
كەلەلى وتىرىستا ءسوز تىزگىنىن قحا عىلىمي-ساراپشىلىق كەڭەسىنىڭ ءتورايىمى, قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى ايگۇل سادۋاقاسوۆا ۇستادى. قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ پەن مادەنيەت جانە اقپارات ۆيتسە-ءمينيسترى ايزادا قۇرمانوۆا ءسوز باستاپ, اسسامبلەيانىڭ ۇلتتىق بىرلىكتى قالىپتاستىرۋ ساياساتىن جۇزەگە اسىرۋداعى ءرولىنىڭ ماڭىزىن اتاپ ءوتتى. سونداي-اق ولار ەلدەگى ەتنوسارالىق كەلىسىمدى ساقتاۋعا باعىتتالعان ستراتەگيالىق مىندەتتەردى ودان ءارى جۇزەگە اسىرۋ ءۇشىن مەملەكەتتىك ورگانداردىڭ, ەتنومادەني بىرلەستىكتەردىڭ جانە ازاماتتىق قوعامنىڭ ءوزارا ءىس-قيمىلىن كۇشەيتۋ قاجەتتىگىن العا تارتتى.
كونفەرەنتسيادا سپيكەر رەتىندە پارلامەنت سەناتىنىڭ دەپۋتاتى نۇريا نيازوۆا, ءماجىلىس دەپۋتاتى ەركىن ءابىل, «قوعامدىق كەلىسىم» رەسپۋبليكالىق مەملەكەتتىك مەكەمەسىنىڭ ديرەكتورى ەلينا ماساگۋتوۆا, پرەزيدەنت ورتالىعى ديرەكتورىنىڭ ورىنباسارى بوتاگوز كايپوۆا, شەت تىلدەرى ۋنيۆەرسيتەتى جانىنداعى حانكۋك حالىقارالىق ايماقتىق زەرتتەۋلەر ورتالىعىنىڭ (كورەيا) عىلىمي پروفەسسورى يانگمين چيۋ وي-پىكىرىن ورتاعا سالدى.
جيىن قورىتىندىسى بويىنشا قارار قابىلدانىپ, وندا قاتىسۋشىلار الداعى جۇمىستىڭ بىرقاتار نەگىزگى باعىتىن بەلگىلەدى. قاۋلىدا ەتنوسارالىق قاتىناستار سالاسىنداعى مەملەكەتتىك ساياساتتى ىلگەرىلەتۋ جانە اعارتۋشىلىق قىزمەتتى جانداندىرۋ بويىنشا اقپاراتتىق جۇمىستى كۇشەيتۋ قاجەتتىگى اتالىپ وتكەن. سونداي-اق مەملەكەتتىك ەتنوساياساتتى عىلىمي جانە قوعامدىق قولداۋدى نىعايتۋ ءۇشىن ەتنومادەني بىرلەستىكتەردىڭ مەملەكەتتىك ورگاندارمەن جانە ساراپشىلار قاۋىمداستىعىمەن ءوزارا ءىس-قيمىلىن كەڭەيتۋ بارىسى بەلگىلەندى. قۇجاتتا قازاقستان حالقى اسسامبلەياسىنىڭ 30 جىلدىعى قارساڭىندا ەتنوسارالىق قاتىناستار قۇرالى رەتىندەگى مەملەكەتتىك ءتىلدىڭ ءرولىن ارتتىرۋ, ەتنومەدياتسيا تاجىريبەسىن كەڭىنەن ەنگىزۋ جانە باسقا ەلدەرمەن تاجىريبە الماسۋ ءۇشىن ەتنوساياسات سالاسىندا حالىقارالىق ىنتىماقتاستىقتى جالعاستىرۋ سياقتى ماڭىزدى باعىتتار اتاپ كورسەتىلگەن.
