فوتو: اقوردا
«قازاقستان-گەرمانيا» بيزنەس فورۋمىنا دەيىن قاسىم-جومارت توقاەۆ نەمىستىڭ ىسكەرلىك ورتا وكىلدەرىمەن كەزدەستى. مەملەكەت باسشىسىنىڭ پىكىرىنشە, گەرمانيانىڭ جەتەكشى كومپانيالارىنىڭ قازاقستانعا كەلۋى ەكى ەلدىڭ دە ەكونوميكالىق ىنتىماقتاستىقتى دامىتۋعا نيەتتى ەكەنىن كورسەتەدى.
پرەزيدەنت بيزنەسمەندەرگە ولاردىڭ كومپانيالارى يننوۆاتسيانىڭ الدىڭعى شەبىندە كەلە جاتقانىن ءارى جاھاندىق تۇراقتى دامۋ ۇدەرىسىندە نەگىزگى ءرول اتقاراتىنىن ايتتى.
سونىمەن قاتار گەرمانيا كانتسلەرىنىڭ ساپارى اياسىندا قول قويىلعان كەلىسىمدەر مەن بىرلەسكەن باستامالار استانا مەن بەرلين اراسىنداعى ۇزاقمەرزىمدى ستراتەگيالىق سەرىكتەستىكتى نىعايتا تۇسەتىنىنە سەنىم ءبىلدىردى.
بيزنەس وكىلدەرىنىڭ الدىندا گەرمانيا فەداراتيۆتىك رەسپۋبليكاسىنىڭ كانتسلەرى ولاف شولتس تە ءسوز سويلەدى.
كەزدەسۋگە Siemens Energy AG كومپانياسىنىڭ باسقارما توراعاسى, گەرمانيا ەكونوميكاسى شىعىس كوميتەتى توراعاسىنىڭ ورىنباسارى كريستيان برۋح, CLAAS Group كومپانياسىنىڭ باسقارما توراعاسى يان-حەندريك مور, DB E.C.O. Group كومپانياسىنىڭ اتقارۋشى كەڭەسىنىڭ توراعاسى, گەرمانيا ەكونوميكاسى شىعىس كوميتەتىنىڭ ورتالىق ازيا جونىندەگى جۇمىس توبىنىڭ وكىلى نيكو ۆاربانوفف, SVEVIND Energy GmbH كومپانياسىنىڭ پرەزيدەنتى, قازاقستاننىڭ ساكسونياداعى قۇرمەتتى كونسۋلى ۆولفگانگ كروپپ, Aurubis AG كومپانياسىنىڭ باسقارما توراعاسى تورالف حااگ, Siemens Healthineers AG كومپانياسىنىڭ باسقارما توراعاسى بەرندت مونتاگ, GP Günter Papenburg AG كومپانياسىنىڭ باسقارما توراعاسى گيۋنتەر پاپەنبۋرگ, HMS Bergbau AG كومپانياسىنىڭ باسقارما توراعاسى دەننيس شۆيندت, KfW Bankengruppe كومپانياسىنىڭ حالىقارالىق قارجىلاندىرۋ جونىندەگى باسقارما مۇشەسى كريستيانە لايباح, KNAUF Gruppe كومپانياسىن باسقارۋشى سەرىكتەستەردىڭ وكىلى الەكساندر كناۋف, Herrenknecht AG كومپانياسىنىڭ باسقارما مۇشەسى مارتين-دەۆيد حەررەنكنەحت, Ernst Klett AG كومپانياسىنىڭ باس اتقارۋشى ديرەكتورى فيليپپ حاۋسمانن, Rhenus SE & Co. KG كومپانياسىنىڭ باس ديرەكتورى توبياس بارتتس قاتىستى.
