فوتو: قر دەنساۋلىق ساقتاۋ مينيسترلىگى
قر دەنساۋلىق ساقتاۋ ءمينيسترى اقمارال ءالنازاروۆا «EIPICO» ەگيپەتتىك فارماتسەۆتيكالىق كومپانياسى وكىلدەرىمەن كەزدەستى. تاراپتار قازاقستاندا تولىق تسيكلدى بيوفارماتسەۆتيكالىق زاۋىت سالۋ بويىنشا ينۆەستيتسيالىق جوبانى تالقىلادى.
«جوبا اياسىندا قازاقستاندىق ازاماتتار ءۇشىن 200-گە جۋىق جاڭا جۇمىس ورىندارى اشىلادى دەپ كۇتىلۋدە. زاۋىت قۇرىلىسى سونىمەن قاتار قازاقستاننىڭ فارماتسەۆتيكالىق سەكتورداعى ورنىن كۇشەيتە ءتۇسىپ, ماڭىزدى دارىلىك زاتتار ءوندىرىسىن لوكاليزاتسيالاۋعا ىقپال ەتەدى» دەلىنگەن قر دەنساۋلىق ساقتاۋ مينيسترلىگىنىڭ حابارلاماسىندا.
كەزدەسۋ ناتيجەسىندە تاراپتار جوبانى جۇزەگە اسىرۋ ماقساتىندا الداعى ىنتىماقتاستىق تۋرالى ۋاعدالاستىققا قول جەتكىزدى.
