فوتو: Oqu-agartu ministrligi
وقۋ-اعارتۋ مينيسترلىگىنىڭ ءمالىم ەتۋىنشە تاريحتا تۇڭعىش رەت ەلىمىزدىڭ كوللەدج ستۋدەنتتەرى 7 مەدالون جەڭىپ الىپ وتىر. «ۇلت ۇزدىگى» نوميناتسياسى جانە قۇزىرەتتىلىكتەر بويىنشا ۇزدىكتەر:
• رۋسلان يۋسۋپوۆ – ورال اقپاراتتىق تەحنولوگيالار كوللەدجىنىڭ ستۋدەنتى – «ۆەب-تەحنولوگيالار»;
• ايگەرىم دوسوۆا – شىمكەنت قالاسىنىڭ جەڭىل ونەركاسىپ جانە سەرۆيس كوللەدجى – ء«سان تەحنولوگياسى»;
• دانيار ابىكەنوۆ – قوستاناي اۆتوموبيل كولىگى كوللەدجىنىڭ ستۋدەنتى — «جەلىلىك جانە جۇيەلىك اكىمشىلەندىرۋ»;
• ميحايل پوپوۆ – الماتى قۇرىلىس-تەحنيكالىق كوللەدجىنىڭ ستۋدەنتى – «قۇرعاق قۇرىلىس جانە سىلاق جۇمىستارى»;
• تيمۋر بابەنكو مەن ەلنار جۋاسباەۆ – سەمەي قالاسىنىڭ راديوتەحنيكا جانە بايلانىس كوللەدجىنىڭ ستۋدەنتتەرى – ء«موبيلدى روبوتوتەحنيكا»;
• جانەل ساعىندىق – الماتى قالاسى «ادىلەت» كوللەدجى – «قوناق ءۇي رەسەپشيونيستى»;
• ارتۋر لەيمان – پاۆلودار سەرۆيس جانە تاماقتانۋ كوللەدجىنىڭ ستۋدەنتى – «مەيرامحانا سەرۆيسى» – «ۇلت ۇزدىگى» نوميناتسياسى.
WorldSkills Lyon – 2024 حالىقارالىق كاسىبي شەبەرلىك چەمپيوناتىنا 69 ەلدەن 1500-گە جۋىق كوللەدج ستۋدەنتتەرى قاتىسقان.
ايتا كەتسەك, WorldSkills International 25 جاسقا دەيىنگى جاس مامانداردىڭ كاسىبي داعدىلارىن انىقتاۋدى جانە دامىتۋدى كوزدەيدى. چەمپيونات حالىقارالىق ىنتىماقتاستىقتى نىعايتۋعا جانە تسيفرلىق ترانسفورماتسيا جاعدايىندا جۇمىسشى ماماندىقتارى مەن زاماناۋي تەحنيكالىق ءبىلىمنىڭ ماڭىزدىلىعىن ارتتىرۋعا باعىتتالعان. ماقساتى – بۇكىل الەم بويىنشا تەحنيكالىق ماماندىقتار بويىنشا كاسىبي دايارلىقتىڭ مارتەبەسى مەن ستاندارتتارىن ناسيحاتتاۋ. ەستەرىڭىزگە سالايىق, 2023 جىلى قازاقستان قۇراماسى گدانسك قالاسىندا وتكەن EuroSkills چەمپيوناتىندا العاش رەت 2 مەدال جانە 4 مەدالون جەڭىپ العان بولاتىن.
