ايدا بالاەۆا ءوز سوزىندە قازاقستان پرەزيدەنتى قاسىم-جومارت توقاەۆتىڭ ءداستۇرلى جانە وتباسىلىق قۇندىلىقتاردى ساقتاۋعا ەرەكشە كوڭىل بولەتىنىن اتاپ ءوتتى.
ء«داستۇرلى جانە وتباسىلىق قۇندىلىقتار – قۋاتتى قوعامنىڭ نەگىزى, ال ونى نىعايتاتىن – ۇزدىكسىز دامىپ جاتقان مادەنيەت سالاسى. مادەنيەت جاس ۇرپاقتى ونەر الەمىنە باۋلىپ, ادەمىلىكتى ءتۇسىنۋدى قالىپتاستىرۋعا, ەمپاتيا مەن گۋمانيزمگە اشىق بولۋعا اسەر ەتەدى. ول ادامدى سان الۋان ويعا جەتەلەپ, قوعام مەن مەملەكەت الدىنداعى جاۋاپكەرشىلىگىن سەزىنۋگە مىندەتتەيدى», دەدى مينيستر.
سونداي-اق ايدا بالاەۆا تەاتر, كونتسەرتتىك ءىس-شارالار, مۋزەي ءىسى مەن كرەاتيۆتى يندۋستريانى قامتيتىن ۇشجىلدىق مادەني ىنتىماقتاستىق جوسپارىن ازىرلەۋدى ۇسىندى. بۇل جوسپاردىڭ باسىم باعىتتارىنىڭ ءبىرى – ءداستۇرلى جانە وتباسىلىق قۇندىلىقتاردى ناسيحاتتاۋ. وسى باعىتتا العاشقى قادام رەتىندە ءداستۇرلى جانە وتباسىلىق قۇندىلىقتارعا ارنالعان كوركەم ءفيلمنىڭ ۇزدىك ستسەناريىنە حالىقارالىق كونكۋرس ۇيىمداستىرۋ, ەكولوگيا مەن قوعامدىق مادەنيەت تاقىرىبىندا حالىقارالىق سۋرەتشىلەر فەستيۆالىن وتكىزۋ ۇسىنىلدى.
فورۋمنىڭ پانەلدىك سەسسيالارىندا قازاقستان مادەنيەت قايراتكەرلەرى – Astana Ballet تەاترى ديرەكتورىنىڭ ورىنباسارى ۆالەري كۋزەمباەۆ پەن قازاقستان ۇلتتىق مۋزەيىنىڭ ديرەكتورى ايبەك سىدىقوۆ تا ءسوز سويلەدى. ولار ىنتىماقتاستىقتى دامىتۋ جونىندەگى وي-پىكىرىمەن ءبولىسىپ, حالىقارالىق مادەني جوبالارداعى ەل تاجىريبەسىن تانىستىردى.
سونىمەن قاتار X پەتەربۋرگ حالىقارالىق مادەني فورۋم اياسىندا قازاقستان مادەنيەت جانە اقپارات ءمينيسترى ايدا بالاەۆا مەن رف مادەنيەت ءمينيسترى ولگا ليۋبيموۆا مادەني ىنتىماقتاستىقتىڭ نەگىزگى ماسەلەلەرىن تالقىلادى.
