فوتو: ۇلتتىق ەكونوميكا مينيسترلىگى
ەلىمىزدەن اتتانعان دەلەگاتسيا قۇرامىندا قازاقستاننىڭ دامۋ بانكى, «بايتەرەك» ۇبح» اق, «قازاقستاننىڭ ينۆەستيتسيالىق دامۋ قورى» وكىلدەرى بولدى.
ارمان قاسەنوۆ «ساياسي ديالوگ: ءوزارا بايلانىستى الەم ءۇشىن كوپجاقتى ىنتىماقتاستىق» پانەلدىك سەسسياسىندا سويلەگەن سوزىندە قازىرگى گەوساياسي جانە گەوەكونوميكالىق سىن-قاتەرلەر جاعدايىندا « ۇلى جىبەك جولىن» جانداندىرۋ يدەياسى تىڭ وزەكتىلىككە يە بولىپ وتىرعانىن اتاپ ءوتتى.
«2013 جىلى جاريالانعان ء«بىر بەلدەۋ, ءبىر جول» باستاماسىن قازاقستان العاشقىلاردىڭ ءبىرى بولىپ قولدادى ءارى ونى جۇزەگە اسىرۋدا قىتايدىڭ سەنىمدى سەرىكتەسى بولىپ تابىلادى. وسى باستاما اياسىندا بارلىق ەلدەر ءوزارا ءتيىمدى ىنتىماقتاستىقتى ودان ءارى كەڭەيتۋ ءۇشىن ۇلكەن الەۋەتكە ءيا. ونىڭ ىشىندە يننوۆاتسيالار مەن جاسىل ەنەرگەتيكا, كولىك, لوگيستيكا جانە قارجى سالاسى دا بار», دەپ اتاپ ءوتتى ۆيتسە-مينيستر.
سونىمەن قاتار قازاق دەلەگاتسياسى «Silk Road Found», قىتايدىڭ مەملەكەتتىك دامۋ بانكى (CDB), ازيالىق ينفراقۇرىلىمدىق ينۆەستيتسيالار بانكى (AIIB), قىتاي-ەۋرازيالىق قورى مەن «SINOSURE» ساقتاندىرۋ سىندى بەيجىڭدە ورنالاسقان بىرقاتار قىتاي قارجى ينستيتۋتتارى باسشىلارىمەن كەزدەستى.
