الاتاۋ قالاسىن وركەندەتۋ كەڭسەسى قۇرىلادى

جيىندا تۇرعىن ءۇي-كوممۋنالدىق شارۋاشىلىق, اۆتوموبيل جولدارى, دەنساۋلىق ساقتاۋ, ءبىلىم بەرۋ جانە سپورت نىساندارىن سالۋ ماسەلەلەرى تالقىلاندى. قالا قۇرامىنا شاعىن اۋداندارعا اينالدىرىلعان 12 ەلدى مەكەن كىردى, الاتاۋدىڭ باس جوسپارى بەكىتىلدى. ورتالىق مەملەكەتتىك ورگانداردىڭ اۋماقتىق ورگاندارى قۇرىلدى. جالپى اۋدانى 88 مىڭ گەكتاردى قۇرايدى. حالىق سانى 54 مىڭعا جۋىقتايدى.

الاتاۋ قالاسىنىڭ اكىمى اركەن وتەنوۆ بۇگىندە قالادا لوگيستيكا, مەديتسينا جانە تاماق ونىمدەرىن ءوندىرۋ سالاسىنداعى جوبالار ىسكە اسىرىلىپ جاتقانىن باياندادى. 6 مىڭنان اسا جۇمىس ورنىن اشاتىن 12 ينۆەستيتسيالىق جوبا ءۇشىن جەر ۋچاسكەلەرىن ارنايى ەكونوميكالىق ايماقتىڭ قاراماعىنا بەرۋ جوسپارلانىپ وتىر. سونداي-اق 5,8 مىڭ گەكتار اۋماقتا نەگىزگى ءىرى جوبالار ورنالاسادى. ولاردى قۇرۋ جانە ينۆەستورلاردى تارتۋ ءۇشىن بىرقاتار ءراسىمنىڭ مەرزىمىن قىسقارتۋ قاجەت.

ق.بوزىمباەۆ باياندامالاردى تىڭ­داپ, الاتاۋدىڭ دامۋى مەملەكەت باسشىسىنىڭ ەرەكشە باقىلاۋىندا ەكەنىن اتاپ ءوتتى. مينيسترلىكتەردىڭ, جەرگىلىكتى اتقارۋشى ورگاندار مەن كاسىپكەرلەردىڭ قاتىسۋىمەن ۇكىمەت جانىنان جوبالىق كەڭسە قۇرۋدى تاپسىردى. ول الاتاۋدىڭ ءومىر-تىنىسى مەن جۇمىس ءۇشىن ينۆەستيتسيالاردى تارتۋعا جاعداي جاساۋ بويىنشا ماسەلەلەردى جۇيەلى نەگىزدە شەشىپ وتىرماق.

ۆيتسە-پرەمەر جوبالاۋ-سمەتالىق قۇجات­تامانى, سالالىق ينفراقۇ­رىلىم­دىق سحەمالاردى ازىرلەۋدى جەدەلدەتۋدى تاپسىردى. 10 جۇمىس كۇنى ىشىندە اكىمدىك ينۆەستورلاردى تارتا وتىرىپ, دامۋ جوبالارىن (زاۋىتتار, فابريكالار, الەۋمەتتىك جانە وبەكتىلەر) انىقتاپ, كەلەسى جىلى ولاردى قاجەتتى ينجەنەرلىك-كوممۋنيكاتسيالىق ينفراقۇرىلىممەن قامتاماسىز ەتۋگە ءتيىس.