كاسىپكەرلىككە ارنالعان ستارتاپتار

بۇل جوبا امەريكانىڭ قازاق­ستانداعى ديپ­لوماتيالىق ميسسياسى­نىڭ جانە تۇلەكتەردى تارتۋ جونىندەگى «Alumni engagement innovation fund» يننو­ۆا­تسيالىق قورى­نىڭ قارجىلىق قول­داۋى­مەن جۇزەگە اسىپ وتىر. جوبا اياسىندا ەلىمىزدەگى كاسىپكەرلىك ەكوجۇيەسى قارقىندى دامىپ وتىرعان وڭىرلەر تاجىريبەسى جانە وزگە ايماقتارداعى ايەل­دەر بيزنەسىن جەتىلدىرۋگە باي­لانىستى زەرتتەۋلەرمەن بىرگە ەلىمىزدەگى بيزنەس قوعام­داستىقتىڭ مۇمكىندىگى مەن جە­لىلىك بايلانىستاردى كە­ڭەيتۋ باسشىلىققا الىندى.

ساراپشىلار جوبا شەڭبەرىندە الەۋمەتتىك جانە ەكونوميكالىق مار­تەبەسىنە قاراماستان, بارلىق ايەلگە تەڭ مۇم­كىندىكتى قاراستىرا وتىرىپ, ينكليۋزيۆتى با­عىتتاردى دامىتۋعا نازار اۋداردى. ەندىگى كەزەكتە رەسۋرستارعا قول­جەتىمدىلىك, ترەنينگتەر مەن تالىمگەرلىك باعىتتاعى قادامدار ايەلدەر بيزنەسىن دامىتىپ, كەدەرگىلەردى جويۋعا ىقپال ەتپەك. بۇل باعىتتا ماماندار, اسى­رە­سە سولتۇستىك قا­زاق­­ستان, باتىس قا­­زاقستان جانە پاۆ­­لودار سياق­تى قازىرگى كەزدە ايەل­دەر كاسىپ­كەر­لىگى تومەن اي­ماقتارعا ەرەك­شە ­نازار اۋداردى.

ق.ساعاديەۆ اتىنداعى حالىقارالىق بيزنەس ۋني­ۆەرسيتەتىنىڭ عىلىمي زەرت­تەۋلەردى باسقارۋ كافە­دراسىنىڭ مەڭگەرۋ­شى­سى جانات ءجۇسىپوۆا­­­­نىڭ ايتۋىنشا, ايەلدەر كاسىپكەرلىگىن دامىتۋ كەز كەلگەن ەلدىڭ ەكو­نوميكالىق الەۋەتىن جۇزەگە اسىرۋدا ما­ڭىزدى رولگە يە. بۇل جۇمىس ورىندارىن اشۋعا جانە ەكونوميكانى ىنتالاندىرۋعا كومەكتەسەدى. «ەگەر ايەلدەردىڭ ەكو­نو­ميكاعا قاتىسۋى ەرلەرمەن تەڭ دەيتىن بولساق, «McKinsey Global Institute» ەسەبىنە سايكەس 2025 جىلعا قاراي جىل سايىنعى الەمدىك ءىجو-ءنىڭ 28 تريلليون دوللارعا ءوسۋى مۇمكىن. بىراق ەلىمىزدە ايەلدەردىڭ بيزنەسكە قاتىسۋ دەڭگەيى تومەندەيتىن بولسا, ونىڭ سالدارىنان ەكونوميكا ميللياردتاعان تەڭگەگە زارداپ شەگىپ, تۇرعىنداردىڭ ءومىر ءسۇرۋ دەڭگەيى جانە ادامي كاپيتال باسەڭدەۋى مۇمكىن. 2022 جىلعى ستاتيستيكالىق مالىمەتتەردى نازارعا الاتىن بولساق, ەلىمىزدەگى ايەل كاسىپكەرلىگى وڭىرلەردە جوعارى بولعان. ەندىگى كەزەكتە وسى ءۇش ايماقتاعى بەلسەندىلىكتى ارتتىرۋعا كوڭىل بولىنەدى», دەدى ساراپشى.

جوبا اياسىندا ءتورت كەزەڭ بويىنشا 50 قاتىسۋشى ىرىكتەلدى. وسىعان وراي بيزنەس-ينكۋباتورلار وكىلدەرى جوعارى بىلىكتى تالىمگەرلەردىڭ جەتەكشىلىگىمەن ءوز بيزنەس-جوبالارىن ۇسىندى. «ەفەس قازاقستان» كومپانياسىنىڭ ماركەتينگ جونىندەگى ديرەكتورى زەينەپ ەركان الپ, سولتۇستىك قازاقستان وبلىسى وڭىرلىك كاسىپكەرلەر پالاتاسى جانىنداعى سولتۇستىك قازاقستان وبلىسى ايەلدەر كاسىپكەرلىگىن دامىتۋ ورتالىعىنىڭ مەنەدجەر-كەڭەسشىسى يرينا ۆاسيلەۆا, UIB عىلىم جونىندەگى پرو­رەكتورى قۇرالاي نۇرعاليەۆا سياق­تى بىلىكتى مەنتورلار كاسىپكەرلەرگە كاسىپكەرلىكتى دامىتۋ مەن كەدەرگىلەردى جويۋعا بايلانىستى ترەنينگتەر وتكىزىپ, ناتيجەسىندە «Demo Day» الاڭىندا بيزنەس قاۋىمداستىق وكىلدەرى 10 ۇزدىك جۇمىستى تاڭداپ الدى. وسى ورايدا ۇزدىكتەر انىقتالىپ, ءبىرىنشى ورىندى اينارا كوبەەۆانىڭ «فەستيۆالدار, تيمبيلدينگتەر مەن ءىس-شارالاردى كىلتپەن ۇيىم­داستىرۋ» جوباسى – مەنتورى ەكا­تە­رينا نوۆوسەلوۆا, ەكىنشى ورىندى ميلانا يمان­عاليەۆانىڭ «Sana» ازاق تىلىندە سويلەيتىندەرگە ارنال­عان اعىلشىن ءتىلىن وقىتۋ بويىنشا ون­لاين مەكتەبى» جوباسى – مەنتورى قام­شات الىبەكوۆا, ءۇشىنشى ورىنعا مارگا­ريتا بەكەشەۆانىڭ اتپەن سەرۋەندەۋ قىز­مە­تىنىڭ «ات سپورتى كلۋبى» جوبا­سى يە بولدى – مەنتورى مايا سۇيىن­شا­ليە­ۆا.

وسى جوباعا پەتروپاۆل قالاسىنان قاتىسقان الەكساندرا يلينا كوپتەگەن پايدالى رەسۋرسقا قول جەتكىزگەنىن اتاپ ءوتتى. ونىڭ ايتۋىنشا, باعدارلاما اياسىندا بيزنەستى باستاۋ مەن دامىتۋ ءۇشىن كاسىبي ماماندارمەن كەزدەسىپ, كەڭەس الۋعا مۇمكىندىك تۋدى. اسىرەسە ماركەتينگ جانە قارجى مەنەدجمەنتىنە قاتىستى ساباقتاردىڭ پايداسى زور بولدى. ونىڭ بارىسىندا يدەيالاردى جۇيەلەۋگە جانە كاسىپكەرلىك ستراتەگياسىن جەتىلدىرۋگە مۇمكىندىك تۋدى. ايەلدەر ستارتاپىن دامىتۋ جوباسى كاسىپكەرلىكتى دامىتۋدا جاي عانا وقۋ باعدارلاماسى ەمەس, قازىرگى سىن-تەگەۋرىندەر كەزەڭىندە ەكونوميكاعا قاجەتتى ينكليۋزيۆتى باعىتتاردى ىسكە اسىرۋعا بەرىلگەن مۇمكىندىك سانالادى.

الماتى