فوتو احقو
Freedom Holding Corp باس اتقارۋشى ديرەكتورى تيمۋر تۋرلوۆ حولدينگ الەمنىڭ 20 ەلىندە جۇمىس ىستەپ جاتقانىن, ال نارىقتىق كاپيتالداندىرىلۋى 5 ملرد دوللاردان اساتىنىن حابارلادى.
«احقو – بۇل ءوزىنىڭ قۇقىقتىق ورتاسى, سوتى جانە تۇسىنىكتى ويىن ەرەجەلەرى بار تاماشا ەكوجۇيە. وسىنىڭ ارقاسىندا Freedom ەۋروپالىق بروكەرىنىڭ ينفراقۇرىلىمى احقو الاڭىندا ءتورت ايدا ءوز ورنىن تاپتى. ءبىز Astana International Exchange بيرجاسى ارقىلى ۇسىنىلاتىن قىزمەتتەر مەن ونىمدەردىڭ كەڭ سپەكترىنىڭ ارقاسىندا قازاقستانداعى ەڭ ءىرى بولشەك بروكەر اتاندىق», دەپ اتاپ ءوتتى تيمۋر تۋرلوۆ.
ونىڭ ايتۋىنشا, احقو-عا قوسىلعان ساتتەن باستاپ Freedom Broker-ءدىڭ كليەنتتىك شوتتارىنىڭ سانى 235 مىڭعا ءوسىپ, جاسالعان مامىلەلەر سانى 31 ملن-نان, ال ساۋدا كولەمى – 2,5 ترلن دوللاردان اسقان. 2020 جىلدان باستاپ Freedom Broker 77 ەميتەنتتىڭ جالپى كولەمى 4 ملرد دوللاردان اساتىن 145 باعالى قاعازىن شىعارىپتى.
China Construction Bank Corporation استانا فيليالىنىڭ باس ديرەكتورى ۆان سۋنحۋا فيليال احقو-داعى جۇمىسىن 2019 جىلى باستاعانىن جانە قارجى ورتالىعىندا قۇرىلعان العاشقى شەتەلدىك بانك بولعانىن اتاپ ءوتتى. بانكتىڭ قازىرگى قىزمەت سالاسى ورتالىق ازيانىڭ بەس ەلىن, سونداي-اق كاۆكاز بەن موڭعوليانى قامتيدى.
ء«بىز احقو-نى كەلەسى سەبەپتەر بويىنشا تاڭدادىق: تاۋەلسىز رەتتەۋشى, جەڭىلدىكتى سالىق سالۋ, بيزنەس جۇرگىزۋ ءۇشىن قولايلى ورتا, ساۋدا بازاسىنىڭ يننوۆاتسيالىق ينفراقۇرىلىمى, جەڭىلدەتىلگەن جانە جەدەلدەتىلگەن تىركەۋ, قازاقستان مەن قىتايدىڭ تىعىز ىنتىماقتاستىعى جانە شىعىس ەۋروپا مەن ورتالىق ازيا وڭىرىندەگى №1 قارجى ورتالىعى پوزيتسياسى», دەدى ۆان سۋنحۋا.
اعىمداعى جىلدىڭ ماۋسىم ايىنىڭ سوڭىنا قاراي استانا فيليالىنىڭ باسقارۋىنداعى اكتيۆتەردىڭ جالپى كولەمى 833 ملن دوللاردى قۇرادى, ونىڭ 378 ملن – كرەديتتەر. ۆاليۋتالار بولىنىسىندە قارجىلاندىرىلعان جوبالاردىڭ جالپى سوماسى 896,5 ميلليون دوللارعا, 4,4 ميلليارد يۋانعا جانە 6 ميلليون ەۋرودان استامعا جەتتى. بۇل رەتتە قولداۋ تاپقان 12 جوبانىڭ 10-ىن قازاقستاندىق كومپانيالار ىسكە اسىردى.
Fix Price Group Plc. باسقارۋشى ديرەكتورى دميتري كيرسانوۆ كومپانيانىڭ بەكىتىلگەن باعا دۇكەندەرىنىڭ جەلىسى قازاقستاندى قوسا العاندا, ءوڭىردىڭ 10 ەلىندە جۇمىس ىستەيتىنىن اتاپ ءوتتى. ءبىزدىڭ ەل اۋماعىندا 300-دەن استام دۇكەن جۇمىس ىستەيدى, 2 مىڭعا جۋىق جۇمىس ورنى قۇرىلدى. كومپانيا قازاقستاندا جانە دۇكەندەرى اشىلعان باسقا دا ەلدەردە ودان ءارى بەلسەندى دامۋدى جوسپارلاپ وتىر.
«تاياۋدا ءبىز «استانا» حالىقارالىق قارجى ورتالىعىندا تىركەلدىك, ال ءبىزدىڭ باعالى قاعازدارىمىز Astana International Exchange-دە ساۋدالانۋدا. نەلىكتەن ءبىز استانانى تاڭدادىق؟ ءبىز ءۇشىن ءبىز قاتىساتىن بارلىق ەلدەرمەن ءتيىمدى جۇمىس ىستەۋگە مۇمكىندىك بەرەتىن يۋريسديكتسيانىڭ بولۋى ماڭىزدى. قازاقستان ءدال وسىنداي يۋريسديكتسيا – وزىق جۇمىس تاجىريبەسى جانە ينۆەستورلاردىڭ كەڭ اۋقىمىنا قولجەتىمدىلىگى بار», دەپ اتاپ ءوتتى دميتري كيرسانوۆ.
GRATA International حالىقارالىق زاڭ فيرماسىنىڭ سەرىكتەسى جانە استانا قالاسىنداعى وفيس ديرەكتورى سامات داۋموۆ فيرما 2019 جىلى احقو-عا قوسىلعان ساتتەن باستاپ 60-تان استام كليەنت احقو-نىڭ قولدانىستاعى زاڭناماسى سالاسىندا زاڭ كومەگىن الۋ ءۇشىن GRATA International-عا جۇگىنگەنىن ايتتى. ونىڭ ايتۋىنشا, فيرما قازاقستاننان جانە شەت ەلدەردەن ەكونوميكانىڭ ءتۇرلى سالالارىنداعى ۇيىمداردان قۇقىقتىق سۇراۋلار الۋدى جالعاستىرىپ كەلەدى. ۇلىبريتانيا, شۆەيتساريا, قىتاي, ليۋكسەمبۋرگ, كيپر جانە باسقا ەلدەردىڭ كليەنتتەرى احقو جۇمىسىنا بايلانىستى ماسەلەلەر جونىندە زاڭگەرلىك كونسۋلتاتسيالار ءۇشىن GRATA International-دى تاڭدايدى.
«قارجى ورتالىعى ۇسىناتىن مۇمكىندىكتەر مەن بيزنەس-كليماتقا سۇيەنە وتىرىپ, GRATA International احقو قوعامداستىعىنىڭ سەنىمدى مۇشەسى بولىپ قالادى. ورتالىققا قوسىلۋ سەبەپتەرىنىڭ اراسىندا بيزنەستى كەڭەيتۋ, كليەنتتەر ءۇشىن جاڭا ونىمدەردى ازىرلەۋ, حالىقارالىق نورماتيۆتىك-قۇقىقتىق ورتا بولدى. قارجى ورتالىعىنا قوسىلعان ساتتەن باستاپ, ءبىزدىڭ قىزمەتتەرىمىزدىڭ سپەكترى احقو-نىڭ قولدانىستاعى زاڭناماسىنا سايكەس كەڭەيدى جانە قارجى ورتالىعىنا قوسىلعىسى كەلەتىن كليەنتتەردىڭ قاجەتتىلىكتەرىنە باعدارلانعان», دەپ اتاپ ءوتتى سامات داۋموۆ.
GRATA International حالىقارالىق زاڭ فيرماسىنىڭ نەگىزى 1992 جىلى الماتىدا قالانعان جانە قازىر ەۋرازيا اۋماعىندا 22 يۋريسديكتسياسىن قامتيدى. بۇگىنگى تاڭدا GRATA International 14 مىڭنان استام كليەنتكە زاڭگەرلىك كومەك كورسەتىپ, 37 مىڭنان استام ءىستى اياقتادى.
ۆيشال ساچەندران, Binance وڭىرلىك نارىقتاردىڭ جاھاندىق ديرەكتورى, Binance بۇگىندە ساۋدا-ساتتىق كولەمى مەن تىركەلگەن پايدالانۋشىلار سانى بويىنشا الەمدەگى ەڭ ءىرى كريپتوۆاليۋتا بيرجاسى بار جەتەكشى بلوكچەين-ەكوجۇيە ەكەنىن ايتتى. Binance پلاتفورماسىنىڭ الەمنىڭ 100-دەن استام ەلىندە 200 ملن استام پايدالانۋشىسى بار. Binance Kazakhstan AFSA-دان تولىق رەتتەۋشى ليتسەنزيا الۋعا كەلىسىم العان العاشقى تسيفرلىق اكتيۆتەر پلاتفورماسى بولدى.
«قازاقستان Binance ءۇشىن باسىم ەل بولىپ تابىلادى, ونى ورتالىق ازياداعى وڭىرلىك كريپتوۆاليۋتالىق حاب دەپ اتاۋعا ابدەن بولادى. مەن قازاقستاننىڭ جاڭا تسيفرلىق تەحنولوگيالار مەن كريپتوۆاليۋتا ەكوجۇيەسىن دامىتۋ ماسەلەلەرىندەگى كۇش-جىگەرىن ەرەكشە اتاپ وتەر ەدىم. ەلدە پيلوتتىق جوبانى جۇزەگە اسىرۋدىڭ ارقاسىندا 2022 جىلدىڭ قىركۇيەگىندە Binance Kazakhstan احقو ليتسەنزياسىن الدى جانە 2023 جىلدىڭ ماۋسىمىندا ىسكە قوسىلعاننان بەرى جەرگىلىكتى پلاتفورمانى پايدالانۋشىلار سانى 100 مىڭنان استى», دەدى ۆيشال ساچەندران.
ورتا مەرزىمدى پەرسپەكتيۆادا Binance Kazakhstan باسقا تمد جانە ازيا ەلدەرىنىڭ كليەنتتەرىنە قامتۋدى, سونداي-اق جەرگىلىكتى رەتتەۋشىلەر ليتسەنزيالانعان ۇيىمداردىڭ قاتىسۋىن تالاپ ەتەتىن باسقا نارىقتار ءۇشىن قوسالقى ينفراقۇرىلىم رەتىندە ارەكەت ەتۋدى جوسپارلاپ وتىر. بۇل رەتتە, Binance ەلدەگى كريپتويندۋستريانى ىلگەرىلەتۋ جانە تسيفرلىق اكتيۆتەر ءۇشىن سەنىمدى نورماتيۆتىك بازانى دامىتۋعا ىقپال ەتۋ ءۇشىن قازاقستانداعى رەتتەۋشىلەرمەن ءوزارا ءىس-قيمىل جاساۋدى جالعاستىرادى.
سونداي-اق, احقو-عا قاتىسۋشى كومپانيالاردىڭ باسشىلارى – Solidcore Resources جانە Amicorp Fund Services – احقو باسقارۋ جونىندەگى كەڭەستىڭ وتىرىسىندا ءسوز سويلەپ, مەملەكەت باسشىسىنا ولاردىڭ وڭىردەگى قاتىسۋىن دامىتۋ جانە ودان ءارى كەڭەيتۋ جونىندەگى جوسپارلارىن تانىستىردى.
ۆيتالي نەسيس, Solidcore Resources باس اتقارۋشى ديرەكتورى:
«AIX-تەگى ليستينگ گەوساياسي بەلگىسىزدىك كۇشەيگەن كەزەڭدە بىزگە قاۋىپسىز باسپانا بەردى, نارىقتىق ينفراقۇرىلىمنىڭ نەگىزگى ەلەمەنتتەرى بۇزىلۋ مەن ديسلوكاتسيادان زارداپ شەككەندە اكتسيالار ساۋداسىنىڭ ۇزدىكسىزدىگىن قامتاماسىز ەتتى جانە وڭىردەگى جاڭا ينۆەستورلار ءۇشىن اكتسيالارعا قول جەتكىزۋ مۇمكىندىكتەرىن اشتى».
روبين حيوكيان, Amicorp Fund Services (UK) باس وپەراتسيالىق ديرەكتورى:
«وڭىرلىك ساحنادا قازاقستان بيزنەس ءۇشىن دامىپ كەلە جاتقان تارتىلىس ورتالىعى رەتىندە, ورتالىق ازياداعى ەكونوميكانىڭ ءوسۋ قارقىنى جانە تىكەلەي شەتەلدىك ينۆەستيتسيالار بويىنشا ەڭ ءىرى ەلدەردىڭ ءبىرى رەتىندە ەرەكشەلەنەدى. قازاقستان ۇكىمەتىنىڭ ەكونوميكانى ءارتاراپتاندىرۋ بويىنشا كۇش-جىگەرى قارجى سەكتورىنىڭ دامۋىنا كۇشتى سەرپىن بەردى. ۇكىمەتپەن جانە احقو-مەن ىنتىماقتاستىق جاساي وتىرىپ, Amicorp Fund Services قازاقستاننىڭ قارجى سەكتورىنىڭ ودان ءارى وسۋىنە, اسىرەسە ينۆەستيتسيالىق قور يندۋسترياسىنىڭ دامۋىنا ىقپال ەتە الادى».
ايتا كەتەيىك, «استانا» حالىقارالىق قارجى ورتالىعى (احقو) – بيزنەستى اشۋ جانە جۇرگىزۋ, ينۆەستيتسيالار تارتۋ, جۇمىس ورىندارىن قۇرۋ جانە قازاقستان ەكونوميكاسىن دامىتۋ ءۇشىن قولايلى قۇقىقتىق جانە رەتتەۋشى ورتاسى ءارى دامىعان ينفراقۇرىلىمى بار تاۋەلسىز يۋريسديكتسيا.
