فوتو: بولات شايحينوۆ|Sputnik
قۇقىق قورعاۋ ورگاندارى تۋىستارىنىڭ شاعىمىن تەرىسكە شىعارعان. مەكەمە ەر ادام كولونياعا كەلگەن ۋاقىتتان بەرى اسقازان اۋرۋىنا ءجيى شاعىمدانعانىن مالىمدەگەن.
بوپسالاۋ دەرەگى بويىنشا ايىپتالعان ەر ادام تۇرمەگە تۇسكەن 1 اي ىشىندە 5 رەت مەديتسينالىق كومەككە جۇگىنگەن.
ول سوڭعى رەت 3 قىركۇيەك كۇنى اۋرۋحاناعا ءتۇسىپ, سول جاقتا كوز جۇمعان.
قازىرگى ۋاقىتتا مەديتسينا ماماندارى مەن تۇزەۋ مەكەمەسىنىڭ قىزمەتكەرلەرىنە قاتىستى قىزمەتتىك تەكسەرىس جۇرگىزىلىپ جاتىر.
مارقۇمنىڭ ارتىندا ايەلى مەن ءۇش بالاسى قالعان.
ونىڭ قازاسىنا بايلانىستى قانداي باپ بويىنشا قىلمىستىق ءىس قوزعالاتىنى سوت-مەديتسينالىق ساراپتامادان كەيىن بەلگىلى بولادى.
«قازىرگى ۋاقىتتا قىلمىستىق ءىس قوزعالدى. قۇزىرلى ورگاندار تەكسەرۋدى باستاپ كەتتى. مارقۇمنىڭ تۋىستارى ونىڭ سوققىعا جىعىلماعانىنا كۇمان كەلتىرىپ جاتىر. تەكسەرۋ اقيقاتتى انىقتايدى. ناتيجەسى تۋىستارىنا حابارلانادى», دەدى شىمكەنت قالاسى جانە تۇركىستان وبلىسى بويىنشا قىلمىستىق ىزدەستىرۋ باسقارماسىنىڭ №54 مەكەمەسىنىڭ باسشىسى سەرىكباي دۇيسەنوۆ.
