بۇل جەر رەسمي تۇردە جاعاجاي بولىپ سانالمايدى, بىراق كەلەسى جىلى بۇل جاعالاۋدا جاڭا وزگەرىستەر ورىن الماق. بۇگىنگى تاڭدا سۋ قويمالارىن جاقسارتۋ بويىنشا اۋقىمدى جوبا دايىندالىپ جاتىر.
«بۇكىل بالالىق شاعىمىز وسى سۋ قويمالاردا ويناۋمەن ءوتتى دەۋگە بولادى. مۇندا مەن ءجۇزۋدى ۇيرەندىم, وتباسىلىق دەمالىستى ءجيى وتكىزىپ تۇراتىنبىز. جىلدار وتە كەلە مۇندا قوقىس كوبەيىپ, دەمالۋعا ىڭعايلى بولمادى. ارينە, ءبىز ءار دەمالىستان كەيىن ءوز ورنىمىزدى جينايمىز. بىراق بارلىعىن باقىلاۋدا ۇستاۋ مۇمكىن ەمەس. قازىر وسىنداي ۇلكەن ۇجىممەن قوقىستىڭ كوپ بولىگىن جيناپ, شىعارىپ جاتىرمىز», – دەيدى قالا تۇرعىنى انگەلينا سيدورەنكو.
وسكەمەندە بارلىعى 100-دەن استام ەكو-شارا وتكىزىلدى. 492 اۋماق تازالانىپ, 3871 شارشى مەتر قوقىس شىعارىلدى. «قازاقستان» تاۋىندا 500 كوشەت وتىرعىزىلدى, رۇقسات ەتىلمەگەن ۇيىندىلەر جويىلدى. «تازا قازاقستاننىڭ» ەكى ماۋسىمى وتكىزىلىپ, سوڭعى ماۋسىمىنا 130-دان استام ادام تارتىلدى. ناتيجەسىندە, 3 توننا قوقىس شىعارىلدى. ەڭ كوپ قوقىس جيناعان جەڭىمپازدار اقشالاي سىيلىقتارمەن ماراپاتتالدى.
سونداي-اق, قازاقستان كوشەسى قايتا جوندەلىپ, قابانباي باتىر مەن پۋشكين كوشەلەرى بويىندا جاياۋ جۇرگىنشىلەر ايماعى, الاڭدار اباتتاندىرىلىپ جاتىر. نازارباەۆ, شاكارىم داڭعىلدارى مەن قازاقستان كوشەسى بويىنداعى ۇيلەردىڭ قاسبەتتەرى جوندەلدى.
قابانباي باتىر – قازاقستان, قازاقستان – م.گوركي, ساتباەۆ – بايباتچين قيىلىستارى اۋداندارىندا گۇلدەر وتىرعىزىلدى, جاڭا سۋارۋ جۇيەلەرى ىسكە قوسىلدى. سونىمەن قاتار ەرىكتىلەر «ارداگەرلەرگە تاعزىم» اكتسياسى اياسىندا جالعىز تۇراتىن زەينەتكەرلەرگە تۇرعىن ۇيلەردىڭ اۋماقتارىن تازالاۋعا كومەكتەستى. مىنە, وبلىس ورتالىعىندا «تازا قازاقستان» اكتسياسى اياسىندا وسىنداي يگى ءىس تىندىرىلدى.
وسكەمەن
