ەلدىڭ ورتالىعى مەن وڭتۇستىگىن جالعايتىن, ۇزىندىعى 885 شاقىرىمدى قۇرايتىن «قاراعاندى – الماتى» تاسجولى 85%-عا دايىن. بۇگىندە ونىڭ 863 شاقىرىمىندا جاڭا اسفالت-بەتون جابىنىمەن قوزعالىس قامتاماسىز ەتىلگەن. اتالعان كولىك دالىزىندەگى جۇمىستارعا 1 312 بىرلىك تەحنيكا, 2 448 قىزمەتكەر جۇمىلعان. كۇرە جولدا 46 جول وتپەسى, 30 كوپىر, 7 كولىك ايىرىعى جانە 661 سۋ وتكىزۋ قۇبىرى سالىندى.
ناتيجەسىندە, 363 شاقىرىم بولاتىن «قاراعاندى – بالقاش» تاسجولىن اينالىپ ءوتۋ قاجەتتىلىگى جويىلدى. سونداي-اق قاراعاندى قالاسىنان اقباستاۋ جانە اقسۋ اۋىلدارىنا دەيىنگى جولدىڭ ءتورت جولاعى بويىنشا قوزعالىس اشىلدى. اتالعان ۋچاسكەدە اسفالت-بەتون توسەۋ جۇمىسىنىڭ 90%-ى اياقتالدى. جۋىق ارادا بارلىق جاڭارتىلعان تەلىمدەر بويىنشا كولىك قوزعالىس باستالادى. بيىل «بالقاش – بۇرىلبايتال» جولىندا اۋقىمدى جۇمىس جۇرگىزىلىپ, تەلىمنىڭ 80%-ىنا جاڭا اسفالت بەتون توسەلدى. قازىر 288 شاقىرىمنىڭ 266 شاقىرىمى قوزعالىسپەن قامتاماسىز ەتىلگەن. سونداي-اق كۇرتى مەن بۇرىلبايتالدى جالعاعان ۇزىندىعى 228 شاقىرىم جول ءدالىزى تولىق جاڭاردى. اسفالت-بەتون جابىنىن توسەۋ جۇمىستارى 85%-عا اياقتالىپ, جاڭا اسفالت قاباتىمەن قوزعالىسقا رۇقسات بەرگەن. وسى كەزدە جاۋاپتى مەردىگەر ۇيىم توسقاۋىل قورشاۋىن, جول تاڭبالارىمەن بەلگىلەرىن ورناتۋعا كىرىستى.
«شامالعان ستانساسىن اينالىپ ءوتۋ» اۆتوجولىندا 3 بىرلىك جول وتپەسى, 1 مال وتكەلى, 1 كوپىر, 3 سۋ وتكىزۋ قۇبىرى ورناتىلدى. رەسپۋبليكالىق ماڭىزى زور جوبا جۇمىستارى تولىق اياقتالدى. تاياۋدا تولىق ەل يگىلىگىنە بەرىلمەك.
حالىقارالىق تۇرعىدا ماڭىزدى سانالاتىن «اقتوبە – قاندىاعاش – اتىراۋ – رف شەكاراسى (استراحانعا قاراي)» تاسجولىنىڭ 732 شاقىرىمى قايتا جاڭارتۋ جۇمىسىمەن قامتىلدى. اتالعان اۆتوماگيسترالدە 47 جول وتپەسى, 6 كولىك ايىرىعى, 526 سۋ وتكىزۋ قۇبىرى سالىندى. جوباعا 1 312 بىرلىك تەحنيكا مەن 2 448 جۇمىسشى جۇمىلدىرىلدى. قازىر اۆتوجولدىڭ تۇتاس بويىندا اسفالت-بەتون توسەمىنىڭ جوعارعى جانە تومەنگى قاباتى بويىنشا قوزعالىس اشىق.
«اقتوبە – قاندىاعاش» ۋچاسكەسىندە 18 كوپىر بويىنشا كولىك قوزعالىسى ىسكە ءتۇسىپ, 8 ەستاكادا سالىندى. اسفالت-بەتون توسەۋ جۇمىستارى 97%-عا اتقارىلدى. جابىننىڭ جوعارعى قاباتىن توسەۋ جانە جولدى اباتتاندىرۋ شاراسى جالعاسىپ جاتىر.
بۇگىندە «اتىراۋ – استراحان» باعىتى بويىنشا رەكونسترۋكتسيا جۇمىستارى بيىل جىل سوڭىنا دەيىن تولىق مارەسىنە جەتەدى دەگەن جوسپار بار. قايتا جاڭارتىلاتىن تەلىمنىڭ ۇزاقتىعى – 212 شاقىرىم. اسفالت-بەتون جابىنىن توسەۋ بويىنشا جۇمىس 82%-دى قۇرايدى. قازىر جولداعى جۇمىس بەلسەندى تۇردە جالعاسىپ جاتىر. ۋچاسكەدەگى قوزعالىس قارقىنى تاۋلىگىنە شامامەن 5 000 اۆتوكولىككە جەتكەن. ايتا كەتەيىك, اتالعان تاسجول تولىق پايدالانۋعا بەرىلگەننەن كەيىن ساپار ۋاقىتى 2,5 ساعاتقا دەيىن قىسقارادى دەپ كۇتىلىپ وتىر.
