فوتو:قر ەنەرگەتيكا مينيسترلىگى
ايتا كەتەرلىگى, جانار-جاعارماي ماتەريالدارى نارىعىنداعى بيىلعى جاعداي بويىنشا, ەلىمىزدىڭ وڭتۇستىك وڭىرلەرىندە اي-92, اي-95 بەنزينىن جانە ديزەل وتىنىن تۇتىنۋ ايتارلىقتاي وسكەنى بايقالعان.
بۇعان نەگىزگى سەبەپ بولىپ وتىرعان جاعدايلار – كورشى ەلدەرمەن سالىستىرعاندا, قازاقستانداعى باعا ايىرماشىلىعىنا بايلانىستى مۇناي ونىمدەرىنىڭ سىرتقا كەتۋى جانە «سۇر ەكسپورت». بۇدان بولەك, سوڭعى ۋاقىتتا شەكارادا سۇرانىسقا يە مۇناي ونىمدەرىنىڭ «بۇركەنشىك تاۋارلار» رەتىندە ەكسپورتتالعانى تىركەلگەن.
ىشكى نارىقتا تاپشىلىقتى بولدىرماۋ ماقساتىندا قما, ۇقك شق, قم مكك جانە باسقا دا مۇددەلى مەملەكەتتىك ورگاندارمەن بىرلەسىپ شەكارالىق وتكەلدەردە ججم اكەتۋدى باقىلاۋدى كۇشەيتۋ تاپسىرىلعان.
سونىمەن قاتار پرەمەر-ءمينيستردىڭ ءبىرىنشى ورىنباسارى ەنەرگەتيكا مينيسترلىگىنە ەكسپورتتاۋعا رۇقسات ەتىلگەن مۇناي ونىمدەرىنىڭ ءتىزىمىن جاڭارتۋدى جانە وتاندىق مۇناي وڭدەۋ زاۋىتتارىندا مۇناي ونىمدەرىنىڭ تۇراقتى ءوندىرىسىن قامتاماسىز ەتۋدى تاپسىردى.
