قاراپايىم اۋىل بالاسى, سول كەزدەگى م.اۋەزوۆ اتىنداعى شىمكەنت پەداگوگيكالىق ينستيتۋتىنىڭ «دەنە شىنىقتىرۋ جانە سپورت» ماماندىعى بويىنشا ءبىتىرىپ, ەڭبەك جولىن شىمكەنت قالاسىنداعى مەكتەپتە دەنە شىنىقتىرۋ ءپانىنىڭ مۇعالىمى بولىپ باستادى.
ءبىلىم بەرەتىن مەكتەپتەگى ۇيىمداستىرۋشىلىق قابىلەتىن بايقاعان ءوڭىردىڭ دەنە شىنىقتىرۋ جانە سپورت باسقارماسىنىڭ باسشىلىعى 1991 جىلى باسقارماعا قاراستى «وبلىستىق №1 وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر سپورت مەكتەبى» ديرەكتورىنىڭ وقۋ-ءىسى جونىندەگى ورىنباسارى قىزمەتىنە تاعايىندايدى.
1992 جىلدان باستاپ وسى سپورت مەكتەبىنىڭ ديرەكتورى قىزمەتىن اتقارعان سەرىك ادام ۇلى توكەەۆ 2000 جىلى ۇلتتىق شتاتتىق قۇراما كوماندالارى ديرەكتسياسىنىڭ باسشىسى بولىپ تاعايىندالۋىنا بايلانىستى ورنىنا ونىڭ ورىنباسارى, قازاقستان رەسپۋبليكاسىنا ەڭبەگى سىڭگەن جاتتىقتىرۋشى, پەداگوگيكا عىلىمدارىنىڭ كانديداتى تالعات باتىرحان ۇلى بەكىتىلىپ, دايىنداعان سپورتشىلارى الەمدىك دەڭگەيدەگى سپورتتىق جارىستاردا جوعارى ناتيجەلەرگە قول جەتكىزە ءبىلدى.
وسى جىلدار ارالىعىندا سپورت مەكتەبىنىڭ سپورتشىلارى ازيا چەمپيوناتتارى, جازعى ازيا ويىندارى, الەم چەمپيوناتتارى مەن جازعى وليمپيا ويىندارىندا ولجا سالىپ, جۇلدەمەن ورالدى.
2000 جىلى اۋستراليانىڭ سيدنەي قالاسىندا وتكەن جازعى وليمپيادادا ەلىمىزدىڭ ۇلتتىق قۇراما كومانداسىنىڭ ساپىندا تالعات باتىرحان ۇلى باسقاراتىن سپورت مەكتەبىنىڭ التى بىردەي تۇلەگى جاسىنداي جارقىلدادى. 57 كيلو سالماق دارەجەسىندەگى بىلعارى قولعاپ شەبەرى نەبارى 20 جاستاعى تۇركىستاندىق بەكزات ساتتارحانوۆ جازعى وليمپيا ويىندارىنىڭ چەمپيونى اتانسا, ەركىن كۇرەس شەبەرى گەننادي لاليەۆ 4-ورىندى, بوكستان حالىقارالىق دارەجەدەگى سپورت شەبەرى ولجاس ورازاليەۆ 5-ورىندى يەلەندى.
وسى سپورت مەكتەبىنەن تۇلەپ ۇشقان تالانتتى تۇلەكتىڭ ءبىرى – وتىرار اۋدانىنىڭ تۋماسى, سامبو كۇرەسىنەن حالىقارالىق دارەجەدەگى سپورت شەبەرى, ەرەسەكتەر اراسىندا ءۇش دۇركىن (2001,2003, 2005) ازيا چەمپيونى, بۇگىندە قازاقستان رەسپۋبليكاسىنا ەڭبەگى سىڭگەن جاتتىقتىرۋشى قۇرال ورىنباسار ۇلى.
2004 جىلى گرەكيا استاناسى افينادا وتكەن جازعى وليمپيا ويىندارىندا سپورت مەكتەبىنىڭ ەركىن كۇرەس بولىمىنەن تۇلەپ ۇشقان گەننادي لاليەۆ كۇمىس جۇلدەگە يە بولسا, 2008 جىلى قىتايدىڭ بەيجىڭ قالاسىندا وتكەن جازعى وليمپيادا الامانىندا بىلعارى قولعاپ شەبەرى ەركەبۇلان شىناليەۆ قولا مەدال ەنشىلەپ, ەلىمىزدىڭ مەرەيىن ۇستەم ەتتى.
سونداي-اق 2010 جىلى سينگاپۋر ەلىندە تۇڭعىش رەت وتكىزىلگەن جاسوسپىرىمدەر اراسىنداعى جازعى وليمپيا ويىندارىندا تاەكۆوندو شەبەرى نۇرسۇلتان ماماەۆ كۇمىس مەدال يەلەندى. تالعات باتىرحان ۇلىنىڭ باسشىلىعىمەن دايىندالعان سپورتشىلار اراسىندا, بوكستان حالىقارالىق دارەجەدەگى سپورت شەبەرى, كسرو جانە ەۋروپا جەڭىمپازى, قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى, الەمنىڭ «ۇزدىك جاتتىقتىرۋشى» اتاعىن ەكى رەت يەلەنگەن مىرزاعالي ايتجانوۆ, بىلعارى قولعاپ شەبەرلەرى, قازاقستان رەسپۋبليكاسىنىڭ ەڭبەگى سىڭگەن سپورت شەبەرلەرى, الەم چەمپيوندارى ءبىرجان جاقىپوۆ, قايرات ەراليەۆ, اۋىر اتلەتيكادان قازاقستان رەسپۋبليكاسىنىڭ ەڭبەك سىڭىرگەن سپورت شەبەرى, جازعى ازيا ويىندارىنىڭ جەڭىمپازى ۆياچەسلاۆ نيۋ, سەرگەي كوپىتوۆ جانە بىرنەشە سپورت ساڭلاعىن اتاۋعا بولادى. بۇگىندە وسى اتالعان سپورتشىلاردىڭ ءبارى سپورت سالاسىندا قىزمەتتەرىن ابىرويمەن اتقارىپ ءجۇر.
ويشىلدار ەلىندە دۇنيەگە كەلگەن تالعات باتىرحان ۇلى وڭتۇستىك قازاقستان جانە تۇركىستان وبلىسىنداعى سپورت سالاسىنىڭ دامۋىنا ەلەۋلى ۇلەس قوسقان ساناۋلى مامانداردىڭ ءبىرى ەدى. بۇعان دالەل تالعات پوشيموۆ باسشىلىق ەتكەن جىلدارى سپورت مەكتەبى 5 رەت وبلىستىڭ «ۇزدىك سپورت مەكەمەسى» اتاعىنا يە بولدى.
قازاقتا «ورنىندا بار وڭالار» دەگەن اتالى ءسوز بار. بۇگىندە تالعات باتىرحان ۇلىمەن جان جارى زاميرا جەڭگەي تاربيەلەگەن 4 ۇل-قىزدان 7 نەمەرە ءوسىپ كەلەدى.
كەلەشەكتە ەل سپورتىن تىزگىندەگەن باسشىلار بىلىكتى ماماننىڭ دەنە شىنىقتىرۋ جانە سپورت سالاسىن دامىتۋعا قوسقان ۇلەسىن لايىقتى باعالايدى دەگەن ۇمىتتەمىز.
كوزى تىرىسىندە اعامىزبەن قىزمەتتەس جانە دامدەس بولعان بارلىق باۋىرلارعا 2024 جىلدىڭ 14 قىركۇيەك كۇنى, ساعات 13.00-دە شىمكەنت قالاسى, ء«نۇرسات» شاعىن اۋدانى «سەيىتجان قاري ەسجان ۇلى» مەشىتىندە قۇران وقىلىپ, جىلدىق اسى بەرىلەتىنىن حابارلايمىز.
اعا-ءىنى, ارىپتەستەرى
