قاسىم-جومارت توقاەۆ وڭىرلەر اراسىنداعى ىنتىماقتاستىقتى جان-جاقتى دامىتۋ قازاقستان مەن رەسەي اراسىنداعى ستراتەگيالىق سەرىكتەستىك جانە وداقتاستىق قاتىناستاردىڭ اجىراماس بولىگى سانالاتىنىن اتاپ ءوتتى.
مەملەكەت باسشىسى ساحا رەسپۋبليكاسىمەن ونەركاسىپ, ساۋدا, IT-سەكتور, اۋىل شارۋاشىلىعى جانە كەن يگەرۋ يندۋسترياسى سەكىلدى ءتۇرلى سالالاردا ىنتىماقتاستىقتى كۇشەيتۋگە ايتارلىقتاي مۇمكىندىك بار ەكەنىنە نازار اۋداردى.
ايسەن نيكولاەۆ كورسەتىلگەن سىي-قۇرمەت ءۇشىن العىس ايتىپ, ياكۋتيا مەن قازاقستان اراسىنداعى بايلانىستاردى كەڭەيتۋدىڭ ماڭىزدىلىعىنا توقتالدى.
سونداي-اق ول باسىم باعىتتاردا بىرلەسە جۇمىس اتقارۋعا دايىن ەكەنىن جەتكىزىپ, الداعى ۋاقىتتا ەكىجاقتى بايلانىستاردىڭ نىعايا تۇسەتىنىنە سەنىم ءبىلدىردى.
