روبوتتىڭ سالماعى 70 كيلو. بولاشاقتا قۇتقارۋشىلارعا سەپتىگىن تيگىزەدى دەپ وتىر عالىمدار. «روبوتتى تابيعات اپاتتارى كەزىندە قولدانۋعا بولادى. ويتكەنى ادامداردىڭ قاتىناۋىنا, نە جۇمىس ىستەۋىنە قيىن ايماقتار بولادى. سوندا تەحنولوگيانى قاشىقتان باسقارا الامىز. ءسويتىپ, روبوت ىزدەستىرۋ-قۇتقارۋ وپەراتسيالارىنا قاتىسىپ, ءتىرى قالعان ادامداردىڭ جاعدايى تۋرالى مالىمەت جيناي الادى», دەيدى جوبا جەتەكشىسى دانيەل پۋچچي.
ۇشۋى ەرەكشە قۇس
تابيعات قۇستارعا ۇشۋ ەرەكشەلىگىن سىيلاعان. سوعان قاراپ ادامزات نەبىر ونەرتابىس جاسادى. ال قۇستاردىڭ ءبىز بىلمەيتىن وزگە دە ۇشۋ ادىستەرى بار ەكەن.
بيرمينگەم تۇقىمىنىڭ كوگەرشىندەرى كوككە كوتەرىلگەندە ءبىر رەت ەمەس, بىرنەشە رەت اينالادى ەكەن. عالىمدار مۇنىڭ سەبەبىن ءالى تاپقان جوق. ءارتۇرلى شەبەر قيمىل جاساپ, ەركىن سامعاي الاتىن بۇل قۇس كوپشىلىك نازارىن دا جاقسى كورەدى. قولعا تۇسپەۋگە تىرىسادى. بار ونەرىن اشىق اسپان استىندا كورسەتەدى.
تۋدىڭ ەڭ جاس اۆتورى
اقش-تىڭ ەڭ ۇلكەن شتاتى الياسكانىڭ جالاۋىنىڭ نوبايىن نەبارى 13 جاستاعى بالا جاساعان.
1926 جىلى الياسكا گۋبەرناتورى دجوردج پاركس 7 مەن 13 جاس ارالىعىنداعى بالالارعا ارناپ بايقاۋ ۇيىمداستىردى. ولارعا جالاۋدىڭ نوبايىن سىزۋ تاپسىرىلادى. بايقاۋ ناتيجەسىندە 13 جاستاعى الياسكا تۇرعىنى بەنني بەنسوننىڭ جوباسى ۇزدىك دەپ تانىلادى. حالىققا ۇناعانى سونشا, وسى نوباي ءوڭىردىڭ تۋىنا اينالادى.
