سۋرەت: depositphotos.com
ايتا كەتەيىك, ەلدى مەكەندى باسىپ وتەتىن 600 مەتر جولعا اسفالت توسەۋ باستالىپتى. مەردىگەر كومپانيا وكىلدەرى جۇمىستى ءبىر اي ىشىندە اياقتاۋعا ءتيىس.
– تاۆريا اۋىلىنىڭ ىشىمەن وتەتىن بۇل جول ۋچاسكەسى ويدىم-ويدىم بولىپ قالعان ەدى. بيىل «جول جىلى» اياسىندا وبلىستىق بيۋدجەتتەن 47 ملن تەڭگە ءبولىنىپ, جوندەۋ جۇمىستارى قولعا الىندى. جوبالىق-سمەتالىق قۇجاتقا سايكەس, 600 مەتر جولعا 6 سانتيمەترلىك جانە 4 سانتيمەترلىك ەكى قابات اسفالت توسەلەدى. مەردىگەر كومپانيا ءبىر اي ۋاقىت ىشىندە جۇمىستى تولىعىمەن اياقتاۋى كەرەك. قازىر جۇمىس جوسپارعا ساي ءجۇرىپ جاتىر. سونداي-اق تاۆريا اۋىلىنىڭ ءىشىن كەسىپ وتەتىن جولمەن جۇرەتىن كولىك اعىنى كوپ بولعاندىقتان اۋىل تۇرعىندارىنىڭ قاۋىپسىزدىگى ءۇشىن جاياۋ جۇرگىنشى جولاقتارى مەن وزگە دە جول بەلگىلەرى جاڭارتىلادى, – دەدى تاۆريا اۋىلدىق وكرۋگى اكىمىنىڭ ورىنباسارى دايان مەيىرحان ۇلى.
اۋىل ىشىمەن جۇك كولىكتەرى دە ءجيى قاتىنايدى. سوندىقتان اينالما جول سالۋ جاعى دا قاراستىرىلىپ جاتقان كورىنەدى. جوبانىڭ قۇجاتتارى بەكىتىلگەن. جول تۇسەتىن جەر ۋچاسكەسىنىڭ ماسەلەسى وڭ شەشىلدى. بۇل جونىندە ءوڭىر باسشىسى اۋدانعا جۇمىس ساپارمەن بارعان كەزدە دە ايتقان.
– اۋىلدى قاق جارىپ وتەتىن بۇل جول توزعاندىقتان, جەرگىلىكتى تۇرعىندارعا دا, جولاۋشىلارعا دا قولايسىز ەدى. ءدال وسى جولدا كولىكتەردىڭ دوڭگەلەگى جارىلعان كەزدەر دە بولدى. بيىل, مىنە, جول جوندەلىپ جاتىر. اۋىلدىقتار ءدان ريزا. جول بەلگىلەرى دە جاڭارتىلاتىنىن ەستىپ, قۋانىپ جاتىرمىز. مەكتەپكە باراتىن بالاسى بار اتا-انالار الاڭ بولىپ ءجۇرۋشى ەدى. سوندىقتان بۇل وتە دۇرىس شەشىم بولدى, – دەيدى اۋىل تۇرعىنى ەربول قۇدايبەرگەن ۇلى.
مەردىگەر كومپانيا وكىلدەرى كۇن رايى قولايسىزدىق تۋعىزباسا, جۇمىستى ۋاقىتىندا اياقتاۋعا ۋادە بەرىپ وتىر.
شىعىس قازاقستان وبلىسى,
ۇلان اۋدانى
