بۇگىنگى تاڭدا ءبىز جوبانىڭ سوڭعى كەزەڭىنە اقىرىن ءوتىپ جاتىرمىز. ءبىرىنشى قىركۇيەكتە العاشقى مەكتەپتەردى قولدانىسقا تاپسىرىپ باستادىق. قازىر ەلىمىزدەگى باسقا نىسانداردا قۇرىلىس جۇمىستارى قارقىندى ءجۇرىپ جاتىر. اتالعان نىسانداردى جىلدىڭ اياعىنا دەيىن تاپسىرامىز دەپ جوسپارلاپ وتىرمىز.
جەرگىلىكتى بيلىك وكىلدەرى ءارى مەردىگەر ۇيىمدارمەن ۇنەمى بايلانىستا وتىرىپ, جۇكتەلگەن مىندەتتەردىڭ ساپالى ءارى ۋاقتىلى ورىندالۋىن باقىلاۋدا ۇستاپ وتىرمىز.
اتقارىلعان جۇمىستىڭ ناتيجەسىن قاراپايىم حالىق پەن كەلەشەك ۇرپاق باعالايتىنى بەلگىلى. مەملەكەت باسشىسى جولداۋدا «2025 جىلدىڭ سوڭىنا دەيىن زاماناۋي ۇلگىدەگى 217 مەكتەپ پايدالانۋعا بەرىلەدى دەپ جوسپارلانعان. وسى وتە ماڭىزدى جۇمىستى «سامۇرىق-قازىنا» قورى قاداعالاپ وتىر. ۇكىمەت پەن اكىمدەر بۇل شارۋاعا بەلسەنە اتسالىسۋعا ءتيىس» دەگەن ەدى. «Samruk-Kazyna Construction» اق ستراتەگيالىق تۇرعىدان ەلىمىز ءۇشىن وتە ماڭىزدى «جايلى مەكتەپ» ۇلتتىق جوباسىنىڭ ءار كەزەڭىنىڭ سايكەس دەڭگەيدە تىڭعىلىقتى ورىندالىپ, ءساتتى اياقتالۋى ءۇشىن قولدان كەلگەننىڭ بارلىعىن جاسايدى. جوبانىڭ ساپالى ءارى ۋاقىتىلى تاپسىرىلۋ جولىنداعى مينيسترلىكتەر مەن جەرگىلىكتى اكىمشىلىكتەرمەن جۇمىلا اتقارعان جۇمىستىڭ, باقىلاۋدىڭ بولۋى, ءارى حالىقتىڭ ۇزدىكسىز كەرى بايلانىسى ءىسىمىزدىڭ دۇرىس باعىتتا جۇرۋىنە جاعداي تۋعىزىپ وتىرعانىن اتاپ وتكەن ءجون.
ماۋلەن ايمانبەتوۆ,
«Samruk-Kazyna Construction» اق باسقارما توراعاسى
