فوتو:shutterstock.com
تالقىلاۋعا قاتىسۋ ءۇشىن ء بىلىم مازمۇنىن ساراپتاۋ ورتالىعىنىڭ https://bmso.kz سايتىنداعى «وقۋ ادەبيەتتەرىن قوعامدىق تالقىلاۋ» بولىمىنە ءوتۋ كەرەك.
ايتا كەتەيىك, تالقىلاۋعا مۇعالىمدەر, اتا-انالار, قوعامدىق ۇيىمداردىڭ وكىلدەرى مەن مەكتەپ وقۋلىقتارىنىڭ ساپاسىنا بەي-جاي قارامايتىن بارلىق ازامات قاتىسا الادى.
وقۋ-اعارتۋ مينيسترلىگىنىڭ حابارلاۋىنشا, بارلىق كەلىپ تۇسكەن سىن-ەسكەرتپەلەر, وقۋلىقتاردىڭ ساپاسى مەن مازمۇنىن جاقسارتۋعا قاتىستى ۇسىنىستار ساراپتاما بارىسىندا ەسكەرىلەدى. تالقىلاۋ 2024 جىلدىڭ 30 قىركۇيەگىنە دەيىن جالعاسادى.
ايتا كەتەرلىگى, قولدانىستاعى زاڭناما بويىنشا بۇگىندە وقۋلىقتار ساراپتامانىڭ بەس كەزەڭىنەن وتەدى:
-
عىلىمي-پەداگوگيكالىق ساراپتاما;
- وقۋلىقتاردى پيلوتتىق مەكتەپتەردە سىناقتان وتكىزۋ;
- قوعامدىق-پەداگوگيكالىق تالقىلاۋ;
- پاندىك ساراپتالىق كوميسسيانىڭ قاراۋى.
قازىرگى ۋاقىتتا اتالعان وقۋلىقتار قوعامدىق تالقىلاۋمەن قاتار, ەلىمىزدىڭ بىرنەشە وڭىرىندە 31 پيلوتتىق مەكتەپتە سىناقتان ءوتىپ جاتىر.
«عىلىمي-پەداگوگيكالىق ساراپتاماعا عالىمدار مەن بىلىكتىلىك ساناتى «زەرتتەۋشى پەداگوگتەن» تومەن ەمەس پراكتيك-مۇعالىمدەر تارتىلادى. ساراپشىلار ارنايى وقۋ كۋرسىنان ءوتىپ, ساراپشى سەرتيفيكاتىن العان جانە رەسپۋبليكالىق ساراپشىلار بازاسىنا ەنگەن. وسىنداي جوعارى تالاپتار سىناق جانە پاندىك ساراپتالىق كوميسسيا قاتىسۋشىلارىنا دا قويىلادى», دەپ حابارلادى وقۋ-اعارتۋ مينيسترلىگىنىڭ ءباسپاسوز قىزمەتى.
ايتا كەتەيىك, پاندىك ساراپتاما كوميسسياسىنىڭ شەشىمىمەن ساراپتامانىڭ بارلىق كەزەڭدەرىنەن وتكەن وقۋلىقتار مەكتەپتەردە پايدالانۋ ءۇشىن جانە قازاقستان رەسپۋبليكاسىنىڭ وقۋ-اعارتۋ مينيسترلىگى بەكىتەتىن وقۋلىقتار تىزبەسىنە ەنگىزۋ ءۇشىن ۇسىنىلادى.
