سونىڭ ءبىرى – ءزاۋلىم قوناقۇيدىڭ يەسى لەونا حەلمسلي. 2007 جىلى ەكى نەمەرەسىنە ەشتەڭە بەرمەي, يتىنە 12 ميلليون دوللار جازدىرعان. ءاپ-ساتتە ميلليونەر اتانعان ترابل اتتى ءيتتىڭ سۋرەتى حالىقارالىق باسىلىمداردا جاريالاندى. حالىق شۋلاپ, حەلمسليدىڭ بۇل ءىسىن تۇسىنە المادى. ءيتتى ۇرلاپ كەتۋ تۋرالى وي قانشاما ادامعا مازا بەرمەدى. سودان كەيىن سۋديا اقىرى ءيتتىڭ مۇراسىن 2 ميلليون دوللارعا دەيىن قىسقارتتى.
تەننيس وينايتىن روبوت
Google ۇستەل تەننيسىن وينايتىن روبوتتى جەتىلدىرىپ, باسەكەدە جەڭۋدى ۇيرەتتى.
روبوت 29 ويىن ويناپ, 13 ويىنشىنى جەڭگەن. جوبانى باسقارعان پانناگ سان-كەتي – «Google DeepMind» كومپانياسىنىڭ اعا باعدارلامالىق ينجەنەرى. جۇيەنى دۇرىستاۋ ءۇشىن زەرتتەۋشىلەر ۇستەل تەننيسى دوبىنىڭ كۇيى, اينالۋى, جىلدامدىق جانە پوزيتسيا سياقتى دەرەكتەردىڭ ۇلكەن كولەمىن جيناعان. «ناقتى الەمدەگى تاپسىرمالاردا ادام دەڭگەيىندەگى جىلدامدىق پەن ونىمدىلىككە جەتۋ روبوتتەحنيكا زەرتتەۋ قاۋىمداستىعى ءۇشىن باستى ماقسات بولىپ قالادى» دەپ جازىلعان زەرتتەۋ ماقالاسىندا.
XXII عاسىردىڭ كىتابى
جازۋشىلار تەك XXII عاسىردا وقۋعا بولاتىن روماندار جازىپ جاتىر.
سۋرەتشى كەتي پاتەرسون وسلو اكىمشىلىگىمەن بىرگە 2014 جىلى «بولاشاق كىتاپحاناسى» ارت-جوباسىن ىسكە قوستى. جىل سايىن قازىرگى جازۋشىلاردىڭ بىرىنە 2114 جىلعا دەيىن وقۋعا بولمايتىن رومان جازۋ ۇسىنىلادى. بولاشاقتا كىتاپتاردى باسىپ شىعارۋ ءۇشىن قولجازبالار ساقتالاتىن قوعامدىق كىتاپحانانىڭ جانىنا مىڭ قاراعاي وتىرعىزىلدى. ءتىپتى انتولوگيانى الۋعا بولاتىن سەرتيفيكاتتار دا ساتىلدى. جوباعا ارنالعان روماندارىن مارگارەت اتۆۋد, دەۆيد ميتچەلل, باسقا دا تانىمال اۆتورلار جازعان.
