جايىلىمنىڭ جايى

وڭىردەگى اباي, بورودۋليحا, جارما, كوكپەكتى, ءۇرجار جانە جاڭادان قۇرىلعان جاڭاسەمەي, ماقانشى اۋداندارىنىڭ تۇر­عىندارى جايىلىم جەتىس­پەۋ­شىلىگىن جىر قىلىپ ايتىپ وتىر. ايماقتاعى جايىلىمداردىڭ جالپى كولەمى 2,4 ملن گەكتاردى قۇراسا, كەيىنگى جۇرگىزىلگەن مال ساناعىنىڭ ناتيجەسىنە سايكەس جايىلىمدىق جەر جەتىسپەۋشىلىگى 287,9 مىڭ گەكتارعا جەتكەن.

«قازىر جايىلىمدىق جەر تاپ­شىلىعىن جويۋ ءۇشىن شالعايداعى مال شارۋاشىلىعى ءۇشىن بوس جەر­لەردەن جەر ۋچاسكەلەرىن بەرۋ جۇ­مىستارى اتقارىلىپ جاتىر. ءوڭىر تۇر­عىندارىنىڭ ءوتىنىشىن ورىنداۋ بويىنشا قايتارىلعان نەمەسە پايدالانىلمايتىن جەرلەردى اينالىمعا تارتۋ ءىسى باقىلاۋعا الىندى. جەتىسپەۋشىلىك تۋعىزىپ وتىر­عان جەرلەر اۋىل شارۋاشىلىعى ونىمدەرىن ءوندىرۋ ءۇشىن ەلدى مەكەندەرگە جاقىن جەر ۋچاسكەلەرىنىڭ بەرىلۋىنە بايلانىستى. ياعني قول­دانىستاعى زاڭناماعا سايكەس ەلدى مەكەنگە جاقىن ورنالاسقان جەر ۋچاسكەسى جەرگىلىكتى تۇرعىنداردىڭ مالىن جايۋ ءۇشىن پايدالانىلۋى كەرەك. بىراق مۇنداي اۋماقتاردىڭ اۋىل شارۋاشىلىعى ماقساتى ءۇشىن پايداعا اساتىن تۇستارى بار. سول سەبەپتى, مال شارۋاشىلىعىنا ار­نال­عان جايىلىم اۋماعى قىسقا­رىپ جاتىر», دەيدى وبلىستىق ساۋ­لەت, قالا قۇرىلىسى جانە جەر قاتى­ناستارى باسقارماسىنىڭ باسشىسى انزور اباەۆ.

ۆەدومستۆو باسشىسى مەملەكەت باسشىسىنىڭ تاپسىرماسىنا وراي پايدالانىلمايتىن اۋىل شارۋا­شىلىعى جەرلەرىن ەل يگىلىگىنە قاي­تارۋ جۇمىستارىن جۇرگىزىلىپ جاتقانىن العا تارتتى.

جىل باسىنان بەرى پايدالانىل­ماي جاتقان اۋىل شارۋاشىلى­عى جەرلەرىن قايتارۋ تۋرالى جەر كوميسسياسىنىڭ ءتورت وتىرىسى وتكىزىلگەن. ناتيجەسىندە, 111,3 مىڭ گەكتار جەر مەملەكەت مەنشىگىنە ءوتتى. وتكەن جىلى پايدالانىلماي جاتقان 255,5 مىڭ گەكتار جەر اۋىل شارۋاشىلىعىن دامىتۋ ماق­­­ساتىندا مەملەكەت مەنشىگىنە قاي­تارىلعان كورىنەدى.

اباي وبلىسى