بىرىنشىدەن, ەلىمىزگە بانكتەردىڭ قىزمەتى تۋرالى جاڭا زاڭ قاجەتتىلىگىن جەتكىزدى. مەنىڭ ويىمشا, بۇل كۇللى وتانداستارىمىز كۇتكەن ماسەلە.
ەكىنشىدەن, تۋريستىك كلاستەردى دامىتۋ ءۇشىن جاقسى ينفراقۇرىلىم ازىرلەۋ ماڭىزدى ەكەنى ايتىلدى. شىن مانىندە, بۇل ايتىلعان ماسەلە وتە ورىندى. ءبىزدىڭ ازاماتتار نەمەسە سىرتتان كەلگەن قوناقتار تۋريستىك ايماققا دەمالۋعا شىققان كەزدە جول ماشاقاتىن كورمەي, شىنايى دەمالىستىڭ ءلاززاتىن سەزىنۋى كەرەك.
ۇشىنشىدەن, بولاشاقتا تەحنيكالىق ماماندىقتار بويىنشا جاس مامانداردى دايارلاۋ كۇن تارتىبىنە شىعارىلدى. بۇل سالادا ەلىمىزدە ولقىلىق بار. بولاشاقتا وسى دۇنيە بويىنشا مامان دەفيتسيتىن بولدىرماۋ ءۇشىن ءبىز قازىردەن مىقتى تەحنولوگتەر مەن ينجەنەرلەردى دايارلاۋىمىز كەرەك.
وسىعان بايلانىستى كەلەسى جىل جۇمىسشى ماماندىقتارى جىلى دەپ جاريالانىپ وتىر. پرەزيدەنتتىڭ بۇل باستاماسى ەڭبەك ادامى ءۇشىن وتە ماڭىزدى. ءبىز جۇمىسشى مامانداردى قۇرمەتتەپ قانا قويماي, ودان بولەك دارىپتەۋىمىز دە كەرەك. جالپى, جولداۋدا ەلىمىزدىڭ دامۋىنا قاتىستى ماڭىزدى ويلار ايتىلدى. الداعى ۋاقىتتا وسىنىڭ بارلىعى ىسكە اسىپ جاتسا, ەل يگىلىگى ءۇشىن جاسالار جاقسىلىقتار كوپ بولماق.
گەننادي شيپوۆسكيح,
سەنات دەپۋتاتى
