جولداۋدا كوتەرىلگەن ماسەلەلەر – اقشا-نەسيە جانە فيسكالدى ساياسات اراسىنداعى ۇيلەسىمسىزدىك, ينۆەستيتسيالىق احۋال مەن بيزنەسكە جاعداي جاساۋدى ودان ءارى جەتىلدىرۋ, ونەركاسىپ جانە ينفراقۇرىلىم ماسەلەلەرى, كادرلىق الەۋەتتى ارتتىرۋ, ۇلت ساۋلىعىن نىعايتۋ, ەكولوگيالىق احۋال مەن مەملەكەتتىك باسقارۋ ءىسى, سونىمەن قاتار قوعامدا زاڭ مەن ءتارتىپ يدەولوگياسىن تەرەڭ ورنىقتىرۋ قاجەتتىگى دە – نەگىزگى ماسەلە. بايقاپ وتىرعاندارىڭىزداي, كوتەرىلگەن ويلار اۋقىمدى, مازمۇنى جاعىنان ءار تاراپتى.
باستىسى حالىق ۇنىنە قۇلاق ءتۇرىپ, اەس سالۋ ماسەلەسىن جالپىحالىقتىق رەفەرەندۋمدا شەشۋ, اۋدان جانە وبلىستىق ماڭىزى بار قالا اكىمدەرىن تولىعىمەن جالپى سايلاۋ ارقىلى جۇزەگە اسىرۋ قوعامدا ساياسي بەلسەندىلىكتى ارتتىرارى ءسوزسىز.
ال قاراپايىم جۇمىسشى ماماندىعى مارتەبەسىن ارتتىرۋ باعىتىندا كەلەر جىلدى جۇمىسشى ماماندىقتارى جىلى دەپ جاريالاۋ ۇسىنىمى, سالىق كودەكسىن اسىقپاي, جان-جاقتى تالقىلاپ, قابىلداۋ مەرزىمىن شەگەرۋ جانە بانكتەر تۋرالى جاڭا زاڭدى قابىلداۋدى تاپسىرۋ, باستى ماقسات – ازاماتتاردىڭ تابىسىن ارتتىرۋ ەكەندىگىن ايقىنداۋ سياقتى شەشىمدەر حالىقتىڭ الەۋمەتتىك-ەكونوميكالىق ماسەلەلەرىنىڭ شەشىلۋىنە نەگىز بولارىنا سەنىمدىمىز.
امانگەلدى تولاميسوۆ,
سەنات دەپۋتاتى
