تالقىلاۋ ۇدەرىسىندەگى زاڭ جوبالارى

الداعى سارسەنبىدە ماجى­لىس­­­تەگى قارجى جانە بيۋدجەت كو­مي­­­تەتى قازاقستان رەسپۋب­لي­كا­سى­­نىڭ جاڭا سالىق كودەكسى­نىڭ جو­باسىن جۇمىسقا قابىل­داي­دى. بۇل تۋرالى پالاتانىڭ بيۋرو و­تى­رىسىندا بەلگىلى بولدى.

زاڭ جوباسىندا دەپۋتاتتار مەملەكەت باسشىسىنىڭ جول­داۋىندا ايتىلعان سالىقتىق اكىمشىلەندىرۋدى جانە سالىق رەجىمدەرىن وڭتايلاندىرۋعا, سالىقتىق جەڭىلدىكتەردى قايتا قاراۋعا جانە  تاعى دا باسقا دا باستامالاردى ىسكە اسىرۋعا ءتيىس. ونىمەن بىرگە كوميتەت قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ ماسەلەلەرى تۋرالى ىلەسپە تۇزەتۋلەر بويىنشا قورىتىندى شىعارۋى كەرەك.

سونىمەن قاتار ءبىرىنشى وقىلىمدا پرەزيدەنتتىڭ تاپسىرماسى نەگىزىندە ازىرلەن­­گەن ىلەسپە تۇزەتۋلەر­مەن «تۇتى­نۋ­شى­لاردىڭ قۇقىقتارىن قورعاۋ تۋرالى» زاڭنىڭ جاڭا جوباسى قارالادى. زاڭ جوباسىندا تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا ومبۋدسمان ينستيتۋتىن ەنگىزۋ, ونلاين-ساۋدادا تۇتىنۋشىلاردىڭ قۇقىقتارىن قورعاۋدى كۇشەيتۋ جانە باسقا دا بىرقاتار نورما قاراستى­رىلعان.

ماجىلىسكە قازاقستان رەس­پۋبليكاسىنىڭ ۇلتتىق قورى­نان 2025-2027 جىلدارعا ارنالعان كەپىلدەندىرىلگەن ترانسفەرت تۋرالى, 2025-2027 جىلدارعا ارنالعان رەسپۋبليكالىق بيۋدجەت تۋرالى زاڭ جوبالارى جانە استانا مەن رەسپۋبليكالىق ماڭىزى بار قالالاردى دامىتۋ ماسەلەلەرى بويىنشا زاڭ جوبالارى تۇسەدى.

بۇدان باسقا, پالاتا جۇمى­سىنا ەۋرازيالىق ەكونومي­كالىق وداق ەلدەرى مەن سين­گاپۋر اراسىنداعى ەركىن ساۋ­دا تۋرا­لى كەلىسىمدى جانە وعان جان-جاقتى ەكونومي­كا­لىق ىنتىماق­تاستىق تۋرالى نەگىزدەمەلىك كەلىسىمدى, قازاق­ستان مەن قاتار ۇكىمەت­تەرى ارا­سىنداعى باسىم سالالار­­داعى جوبالاردى دامىتۋ ءۇشىن ۇزاق مەرزىمدى ستراتە­گيا­لىق ارىپتەستىك ورناتۋ تۋرا­لى كەلىسىمدى, سونداي-اق زا­عيپ­­تاردىڭ جانە كورۋ قابى­لەتى بۇزىلعان نەمەسە باس­پا اقپاراتىن قابىلداۋعا وزگە دە قابىلەتتەرى شەكتەۋلى ادام­داردىڭ جاريالانعان تۋىن­دىلارعا قول جەتكىزۋىن جەڭىل­دەتۋ تۋرالى مارراكەش شارتىن راتيفيكاتسيالاۋ تۋرالى زاڭ جوبالارى كەلىپ تۇسەدى.