بۇل تۋرالى ءانشى الەۋمەتتىك جەلىدەگى پاراقشاسىندا جازدى.
- 1989 جىلى وسى ءاننىڭ اۆتورى, مارقۇم تۇرسىنعازى راحىم ارنايى مەنى تەلەارناعا شاقىردى. سول ۋاقىتتا اعامىز تەلەارنادا قىزمەتتە بولاتىن. "ماقپالجان, وسى ءاننىڭ تۇساۋىن ءوزىڭ كەسىپ بەر" دەدى. ال مەن "ويبۋ, اعا! بۇل جىگىتتەر ايتاتىن ءان عوي. "التايدىڭ ار جاعىنان كەلگەن جىگىت" دەپ جازعانىڭىزدا ايتار ەدىم" دەپ كۇلدىم. بىراق كەلىسىمىمدى بەرىپ: "اعا, ءبىر اپتادان سوڭ "قازاقكونتسەرتتە" ءبىر كونتسەرت بولادى. سوندا ورىنداپ, تۇساۋىن كەسىپ بەرەيىن" دەدىم. ول كىسى قاتتى قۋاندى. 1990 جىلى راديوعا جازۋىمدى ءوتىندى, ارتىنشا گەرمانيادا مەنىڭ العاش لازەرلى تاسپام شىقتى. سوعان وسى ءان ەندى. كەيىننەن جەتىسايدا گاسترولدە جۇرگەندە ءبىر قارا تورى ساكەن قالىموۆ دەگەن جىگىت ماعان كەلىپ, وسى ءاندى ورىنداعىسى كەلەتىنىن ايتتى. مەن بىردەن ء"يا, بۇل ءاندى جىگىت ورىنداسا, تىپتەن جاقسى بولادى» دەپ, رۇقسات ەتتىم. سودان ساكەن قالىموۆ "تاماشانىڭ" ساحناسىندا ەستراداعا لايىقتى وڭدەپ, ايتىپ شىققان سوڭ ءاننىڭ باعى جانعان ەدى. تىنىشباي اعامىز دا ومىردەن رازى بولىپ ءوتتى, - دەپ جازدى ماقپال ءجۇنىسوۆا.
