«اۋىل اماناتىنا» الاڭدايدى

كەزدەسۋ بارىسىندا دەپۋتات ەلدى دامى­تۋعا, حالىقتىڭ ءال-اۋقا­تىن ارتتىرۋعا, تۇر­عىن ءۇي جاع­دايلارىن جاقسار­تۋعا, مەديتسينالىق قىزمەت­تەردىڭ ساپاسىن باقىلاۋعا جانە شالعايداعى اۋىل تۇرعىندارىنىڭ ينتەرنەتكە قولجەتىمدىلىگىن قامتاماسىز ەتۋگە ارنالعان مەملەكەتتىك رەفورمالار مەن پارلامەنت قابىل­داعان زاڭداردىڭ ماڭىزى تۋرالى ايتتى.

تۇرعىندار قولايلى جاعدايدىڭ بولماۋىنا جانە اۋدان ورتالى­عىنا باراتىن جول­دىڭ ناشارلىعىنا بايلانىستى اۋىلدان كوشەتىندەردىڭ قاتارى ازايماي وتىرعانىنا نازار اۋداردى. ولار اتالعان ماسەلەلەردى شەشۋ ءۇشىن شەكارالاس ايماقتاردى دامىتۋ باعدارلاماسىن ازىر­لەۋدى ۇسىندى. سون­داي-اق جەرگىلىكتى حالىق «اۋىل اماناتى» باع­دارلاماسىنىڭ قارا­جاتى ايتارلىقتاي قىسقار­عانىنا الاڭداۋشىلىق ءبىلدىردى. دەپۋتات ايتىلعان بارلىق پروبلەما ءتيىستى مەملەكەتتىك ورگاندارعا جولداناتىنىن, بۇل تۇيت­كىلدەر سەناتورلاردىڭ ەرەكشە باقىلاۋىنا الىناتىنىن اتاپ ءوتتى.

سونىمەن قاتار نۇر­تورە ءجۇسىپ اۋدان اكىمىمەن كەزدەسىپ, جەرگىلىكتى تۇر­عىن­داردىڭ الەۋمەتتىك-ەكونوميكالىق جاعدايىن جاقسارتۋ جانە ءومىر ءسۇرۋ ساپاسىن ارتتىرۋ شارالارىن تالقىلادى.

«پرەزيدەنت قاسىم-جومارت توقاەۆ ەلىمىز­دەگى بارلىق اۋقىمدى وزگەرىس ادامعا جانە ونىڭ جاسامپازدىق الەۋەتىن اشۋعا باعىتتالعانىن ناقتى اتاپ ءوتتى. سوندىق­تان ءاربىر مەملەكەتتىك قىزمەتشى ازاماتتارى­مىز جاقسى جاعدايدا ءومىر ءسۇرۋى ءۇشىن بار كۇش-جىگەرىن جۇمساۋعا ءتيىس. جاقسى جاعداي دەگەنىمىز – ساپالى مەديتسينا مەن ءبىلىم, الەۋ­مەتتىك كەپىلدىكتەر, ەڭ­بەكتى لايىقتى باعالاۋ, ين­تەرنەتكە قولجەتىمدىلىك, تا­لاپقا ساي جول جانە تازا اۋىزسۋمەن قامتاماسىز ەتۋ», دەدى نۇرتورە ءجۇسىپ.