«اۋدان كولەمىندە بيىلعا 28 570,6 گەكتار سۋارمالى جەرگە ەگىن ەگىلگەن بولسا, ونىڭ 6 696,9 گەكتارىنا كۇرىش, 6 144,8 گەكتارىنا ارپا-بيداي, قالعان ەگىستىك القاپقا كوپجىلدىق ءشوپ ەگىلگەن. بۇگىندە اۋدان ديقاندارى ارپا-بيداي ەگىلگەن ەگىس القاپتارىنداعى ورۋ جۇمىستارىن تولىق اياقتادى», دەيدى بالقاش اۋداندىق اۋىل شارۋاشىلىعى ءبولىمىنىڭ باسشىسى دارحان تولەۋبەك.
ەگىنى بىتىك شىققان شارۋاشىلىقتاردىڭ ءبىرى – «اگروفيرما بىرلىك». بۇل سەرىكتەستىكتىڭ ديقاندارى جۇمىلا جۇمىس ىستەپ, ساپالى ءونىم الۋدىڭ كوشباسىنان كورىندى. سەرىكتەستىكتىڭ 1 360 گەكتار سۋارمالى جەرىنە ەگىلگەن بيداي وسى كۇنى تولىق باستىرىلىپ, جينالعان. ءار گەكتاردان ورتاشا ءتۇسىم 25,0 تسەنتنەردەن اينالدى.
جاۋاپتى ناۋقانعا شارۋاشىلىق بويىنشا 9 «ەنيسەي – 1200», 3 ء«ۇتو» كومبايندارى جانە 12 «متز – 1221», 2 ء«ۇتو» تىركەمەلى تراكتورلارى جۇمىلدىرىلعان. مەحانيزاتور الماس امانگەلدى باستاعان ديقانشىلار وسكەن ءونىمدى توكپەي-شاشپاي شىعىنسىز جيناپ الۋ جولىندا تىڭعىلىقتى جۇمىس ىستەدى. «ديقان جەرىن اناسىنداي سۇيەدى, جەر ديقاندى بالاسىنداي سۇيەدى» دەگەن. ەڭ باستىسى, اۋىسپالى ەگىس القابىنىڭ ەرەجەسى ساقتالسا, قۇنارلى توپىراققا سىڭىرىلگەن ءداندى-داقىل مول ءونىم بەرەدى», دەيدى «اگروفيرما بىرلىك» سەرىكتەستىگى ديرەكتورىنىڭ ورىنباسارى ارشىن جاقىپوۆ.
دالا جۇمىستارى اياسىندا بارلىق اگروتەحنيكالىق ءىس-شارا وتكىزىلدى. ارپا-بيداي جيناۋ جۇمىسى بويىنشا 6 144,8 گەكتار القاپ تولىق باستىرىلىپ, 10 446 توننا ءونىم الىندى. ورتاشا ءتۇسىم ءار گەكتارعا 17 تسەنتنەردەن اينالدى. جوڭىشقا ورۋ جۇمىستارى بويىنشا ەكىنشى ورىلىم اياقتالدى. بارلىعى 88 200 توننا مال ازىعى دايىندالدى.
الماتى وبلىسى,
بالقاش اۋدانى
