ونىڭ ءىسى ەلوردانىڭ مامانداندىرىلعان اۋدانارالىق اكىمشىلىك قۇقىق بۇزۋشىلىقتار جونىندەگى سوتىندا قارالدى. ءىس ماتەريالدارى بويىنشا, ايەل الماتى حالىقارالىق اۋەجايىندا اۋە ايلاعىنىڭ مۇلكىن بۇلدىرگەن.
سوت وتىرىسىندا قۇقىق بۇزۋشى ءوز كىناسىن تولىق مويىنداپ, جاساعان ىسىنە وكىنەتىنىن ءبىلدىردى. قۇقىق بۇزۋشىلىقتىڭ ءمان-جايى اكىمشىلىك قۇقىق بۇزۋشىلىق تۋرالى حاتتاماداعى فاكتىلىك دەرەكتەرمەن, راپورتپەن, تۇسىنىكتەمەلەرمەن جانە بەينەجازبامەن راستالادى.
«اقبتك-ءنىڭ 147-1-بابى 1-بولىگىنىڭ سانكتسياسىندا 20 اەك مولشەرىندە ايىپپۇل سالۋ نەمەسە 5-تەن 15 تاۋلىككە دەيىن اكىمشىلىك قاماۋعا الۋ كوزدەلگەن. سونىمەن قاتار, اقبتك-ءنىڭ 50-بابىنا سايكەس, جۇكتى ايەلدەر مەن 14 جاسقا دەيىنگى بالالارى بار ايەلدەرگە اكىمشىلىك قاماۋعا الۋ قولدانىلمايدى. جاۋاپكەرشىلىكتى جەڭىلدەتەتىن جاعدايلار رەتىندە قۇقىق بۇزۋشىلىقتىڭ العاش رەت جاسالۋى, كىنانى مويىنداۋ جانە كامەلەتكە تولماعان 3 بالانىڭ بولۋى ەسكەرىلدى. اۋىرلاتاتىن جاعدايلار انىقتالعان جوق. سوت قاۋلىسىمەن ح. قۇقىق بۇزۋشىلىق جاساعانى ءۇشىن كىنالى دەپ تانىلىپ, 20 اەك مولشەرىندە ايىپپۇل سالىندى», – دەلىنگەن حابارلامادا.
سوتتىڭ قاۋلىسى زاڭدى كۇشىنە ەنگەن جوق.
ەستەرىڭىزگە سالا كەتەيىك, 19 تامىزدا اۋەكومپانيانىڭ SMS-حابارلاماسىنداعى قاتەلىگىنە بايلانىستى جولاۋشىلار ءوز رەيسىنە كەشىگىپ كەلگەن. اۋەكومپانيا كەشىككەن جولاۋشىلارعا كەلتىرىلگەن ىڭعايسىزدىقتى وتەگەن. بىراق ماسەلە جانجالسىز بولمادى. وقيعا ورنىنا پوليتسيا قىزمەتكەرلەرى كەلدى.
