جىل باسىنان بەرى ەلىمىزدە بالالارعا قاتىستى 3,5 مىڭنان اسا جول اپاتى بولعان, سالدارىنان 165 كامەلەتكە تولماعان بالالار قازا تاۋىپ, 4 مىڭنان استامى جاراقات العان.
جولداعى قاۋىپسىزدىك كوبىنە كولىك جۇرگىزۋ تارتىبىنە بايلانىستى. جول اپاتتارىنىڭ سەبەپتەرى مىناداي بولۋى مۇمكىن:
– كولىك تىزگىنىن كامەلەتكە تولماعاندارعا نەمەسە كولىك باسقارۋعا قۇقىعى جوق باسقا ادامدارعا بەرۋ. بۇل جول ءجۇرىسى قاعيدالارىن ورەسكەل بۇزۋعا جاتادى.
– جىلدامدىقتى ارتتىرۋ. بەلگىلەنگەن جىلدامدىقتى ساقتاماۋ جول اپاتى بولۋ ىقتيمالدىعىن ارتتىرادى.
– ماس كۇيدە كولىك جۇرگىزۋ. الكوگولدى نەمەسە ەسىرتكىنى قولدانۋ جۇرگىزۋشىنىڭ رەاكتسياسىن تومەندەتەدى.
– جول ءجۇرۋ قاعيدالارىن بۇزۋ. باعدارشامداردى, جول بەلگىلەرىن ەلەمەۋ, باسىپ وزۋ ەرەجەلەرىن ساقتاماۋ قايعىلى جاعدايعا اكەپ سوعادى.
– جۇرگىزۋشىنىڭ نازارىن اۋلاۋ. ۇيالى تەلەفوندى پايدالانۋ جانە باسقا دا الاڭداتاتىن جاعدايلار جۇرگىزۋشىگە كەدەرگى كەلتىرىپ, وقىس وقيعاعا سەبەپ بولۋى مۇمكىن.
پوليتسيا ازاماتتاردى جولدا مۇقيات جانە جاۋاپتى بولۋعا شاقىرادى. جۇرگىزۋشىلەر جول ەرەجەلەرىن قاتاڭ ساقتاۋى كەرەك.
