سەناتور قازىرگى تاڭدا ەلىمىز دامۋدىڭ جاڭا كەزەڭىنە قادام باسقانىن اتاپ ءوتتى. بارلىق مەملەكەتتىك قۇرىلىم وزدەرىنە جۇكتەلگەن مىندەتتەردى ورىنداۋمەن بىرگە ەل ساياساتىنىڭ نەگىزگى باعىتىن ىسكە اسىرۋ اياسىندا دا اۋقىمدى جۇمىس اتقارىپ كەلەدى. مەملەكەت باسشىسى قاسىم-جومارت توقاەۆ اتىراۋدا وتكەن ۇلتتىق قۇرىلتايدىڭ ءۇشىنشى وتىرىسىندا جاڭا كەزەڭدەگى يدەولوگيالىق نەگىزدى ايقىنداپ بەردى. ول «ادىلەتتى قازاقستان» تۇجىرىمداماسىنىڭ نەگىزگى قاعيداتىنا اينالعان «ادىلدىك» ۇعىمىنا تابان تىرەيدى.
سونىمەن قاتار دەپۋتات مەملەكەت قوعامنىڭ ءوسىپ-وركەندەپ, جاڭا, جارقىن بولاشاققا قادام باسۋى ءۇشىن بارلىق جاعدايدى جاسايتىنىن, بۇل رەتتە جاساندى ينتەللەكتىنى ەنگىزىپ, دامىتۋ ماسەلەسى دە وزەكتى ەكەنىن ايتتى.
«جاساندى ينتەللەكت دەگەنىمىز – ەشقانداي قيال ەمەس, قازىرگى كەزدە قاجەتتىلىككە اينالعان ماڭىزدى تەتىكتەردىڭ ءبىرى. وسى تەحنولوگيانىڭ ارقاسىندا ايتارلىقتاي جەتىستىككە قول جەتكىزۋگە بولادى. سوندىقتان پرەزيدەنتىمىز قاسىم-جومارت توقاەۆ مەديتسينا, قورعانىس, عارىشتىق زەرتتەۋلەر سالالارىندا جانە باسقا دا باسىم باعىتتاردا ماڭىزدى ءرول اتقاراتىن جوعارى ءونىمدى سۋپەركومپيۋتەر قۇراستىرۋدى تاپسىردى», دەدى نۇرتورە ءجۇسىپ.
سونداي-اق سەناتور قوعامدىق كەلىسىم مەن ۇلتتىڭ بىرلىگىن نىعايتۋ جولىندا مەملەكەتتىك ءتىلدى دامىتۋدىڭ اسا ماڭىزدى ەكەنىن جانە ەل پرەزيدەنتى قازاق ءتىلىنىڭ مارتەبەسىن ارتتىرىپ, ونى دامىتۋعا باسا ءمان بەرىپ وتىرعانىن اتاپ ءوتتى.
«پرەزيدەنتىمىز قازاق ءتىلىنىڭ ءرولىن كۇشەيتۋ ماسەلەسىن بىرنەشە رەت كوتەرىپ, ۋاقىت وتە كەلە ول ۇلتارالىق قاتىناس تىلىنە اينالۋعا ءتيىس ەكەنىن ايتتى. بۇل ستراتەگيانى ىسكە اسىرۋ ايرىقشا ماڭىزعا يە. ويتكەنى بۇگىندە قازاق ءتىلى جاڭا سيپات الىپ, قازاقستاندا دا, ودان تىس جەرلەردە دە سۇرانىسقا يە بولا باستادى. الەمدىك قوعامداستىقتىڭ ءبىزدىڭ تىلىمىزگە, مادەنيەتىمىزگە جانە تۇرمىسىمىزعا دەگەن قىزىعۋشىلىعىنىڭ ارتۋى – مەملەكەت باسشىسى جۇرگىزىپ وتىرعان اشىقتىق پەن ديپلوماتيا ساياساتىنىڭ ناتيجەسى. وسى رەتتە بۇگىنگى ءىس-شارا دا مەملەكەتتىك ءتىلدىڭ ءرولىن كۇشەيتۋ جولىندا جاسالعان ماڭىزدى قادام ەكەنى انىق», دەدى نۇرتورە ءجۇسىپ.
