ادام جادىن ارتتىراتىن شوكولاد ويلاپ تاپتى

اقش-تىڭ سولتۇستىك اريزونا ۋنيۆەرسيتەتىنىڭ عالىمدارى ادام­نىڭ ەستە ساقتاۋ قابىلەتىن ارتتىرىپ, زەيىنىن جاقسارتاتىن شوكولاد ويلاپ تاۋىپتى. قازىر تاجىريبەدەن وتكىزىلىپ جاتقان شوكولاد قان قىسىمىن ءتو­مەندەتە الاتىن كورىنەدى. مۇنى ولار ەكسپەريمەنتكە ءوز ەرىكتەرىمەن كەلگەن 18 بەن 25 جاس ارالىعىنداعى 122 كىسىنى تەكسەرۋ بارىسىندا انىقتاعان. قاتىسۋشىلار ەكى توپقا ءبولىنىپ, بىرىنشىلەرىنە دەنە سالماعىنىڭ ءاربىر كيلوعا زەيىن ارتتىرعىش شوكولادتان 1 گرامنان ەسەپتەلىپ بەرىلگەن. مىسالى, ەگەر ادام سالماعى 75 كيلو تار­تاتىن بولسا, وعان تيىسىنشە 75 گرامم شوكولاد ۇسىنىلدى. ال ەكىن­شى توپ مۇشەلەرى دۇكەندەردەگى كادۋىلگى كوپ شوكولادتاردىڭ ءبىرىن جەپ كورەدى. سوڭىنان سىناققا قاتىسۋشىلار جادى مەن زەيىندەرىن بايقاپ كورۋگە مۇمكىندىك بەرەتىن تەست تاپسىرعان. سول ساتتە ولاردىڭ مي جۇمىسىنىڭ قانداي دارەجەدە ەكەندەرىن عالىم­دار ەلەكترلى ەنتسەفالوگراف كومە­گىمەن تەكسەرىپ وتىرعان. ناتيجەسىندە ەمدىك قاسيەتى بار جاڭا شوكولادتى جەگەندەر ەكىنشى توپپەن سالىستىرعاندا, اناعۇرلىم زەرەك بولىپ شىعىپ, تەست سۇراقتارىن وتە جاقسى تاپسىرعاندارى بەلگىلى بولعان. سوڭىنان تەكسەرە كەلگەندە, زەرتتەۋشىلەردىڭ ءوز ونىمدەرىنە ادەتتە كوك شايدا بولاتىن L-تەانين امين قىشقىلىن قوسقاندارى دا انىقتالدى. مۇرات ايتقوجا.