پەتروپاۆلدا كولىك جۇرمەيتىن, تەك قالالىقتار جاياۋ ءجۇرىپ تىنىستايتىن «قازاقستان كونستيتۋتسياسى» (بۇرىنعى لەنين) اتتى ۇلكەن جانە ەڭ ەسكى ورتالىق كوشە بار. قالالىقتاردىڭ ەرەكشە ماقتان تۇتاتىنى دا وسى كوشە. مىنە, وسى كوشەنىڭ بويىندا ء«بىز كىر-قوقىسقا جول بەرمەيمىز!» اتتى ەكولوگيالىق ءىس-شارا ءوتتى. ءىس-شاراعا قاتىسقان بەلسەندىلەر, جالىنداعان جاستار قالا تۇرعىندارىن قاعاز پاكەتتەرىن پوليەتيلەن پاكەتتەرگە ايىرباستاۋدى ۇسىندى. ءسويتىپ, رەسپۋبليكانىڭ ەكولوگيالىق ماسەلەلەردى شەشۋگە اتسالىسۋعا شاقىردى.
وسى كۇنى پلاستيك قاپتامالارمەن توننالاعان قوقىس پوليگوندارعا شىعارىلدى. الەمنىڭ تۇكپىر-تۇكپىرىندە ەكولوگتەر وسىنداي قوقىستاردى وڭدەۋدى ۇسىنىپ وتىر. ويتكەنى قازىر پوليەتيلەن پاكەتتەردەن اياق الىپ جۇرگىسىز, ول ءبىزدىڭ تۇرمىسىمىزعا ابدەن دەندەپ ەندى. ۆولونتەرلەردىڭ فرونت ءوفيسىنىڭ باسشىسى اناستاسيا ۆولكوۆا وسى پاكەتتەردىڭ جەردە قالسا جۇزدەگەن جىل بويى بۇزىلىپ, ەكولوگياعا كەرى اسەر ەتەتىنىن ايتتى. «ولاردىڭ قورشاعان ورتاعا تيگىزەتىن زيانى وراسان. جەلمەن ۇشقان پوليەتيلەن پاكەتتەر اعىس كانالدارىن بىتەيدى, بارلىق سۋ جولىن جابادى. قوقىس باكتارىنان ۇشىپ, ءتۇرلى ميكروب تاراتىپ, تۇرعىنداردىڭ بالالار وينايتىن اۋلاسىندا جاتادى. جاستار وسىنداي پروبلەمالاردى تەرەڭ ءتۇسىنىپ, اۋلالاردىڭ بارىنشا تازا بولۋىنا بەلسەندى اتسالىسۋلارى كەرەك», دەدى ول.
جاستاردىڭ ۇسىنىستارىن ەرەسەكتەر دە قولدايتىندارىن ءبىلدىرىپ, پوليەتيلەندى پاكەتتەردىڭ جەلمەن جارىسىپ, شاشىلماۋىن جاپپاي تىيۋ كەرەكتىگىن ايتىپ جاتتى.
ەكولوگيالىق اكتسياعا قاتىسقاندار نەگىزگى كوشەنى تازالاۋمەن قاتار جامبىل كوشەسىنىڭ بويىنداعى يادرولىق جارىلىستار قۇرباندارىنا ارنالىپ قويىلعان ەسكەرتكىش تاستىڭ اينالاسىنداعى سكۆەردى دە قوقىستان تازارتتى. بۇل جۇمىس قالانىڭ شاعىن اۋداندارىندا دا جالعاسىن تاپتى. اسىرەسە كوكتەمدەگى تاسقىن سۋىنان زارداپ شەككەن شاعىن اۋداندار قوقىستان تازالانىپ قالدى.
جاستار مولىنان قاتىسقان سوڭ اكتسيا ويناپ-ك ۇلىپ كوڭىلدى جۇرۋمەن ەرەكشەلەندى. اكتسياعا قاتىسۋشى جاستار بىرنەشە ساعاتتىڭ ىشىندە قاپ-قاپ قوقىس جيناپ, ولاردى جۇك ماشينالارىمەن جونەلتىپ جاتتى. «پرەزيدەنتتىڭ باستاماسىمەن قولعا الىنعان بۇل ءىس-شارا حالىققا وتە پايدالى. ءبىز قازىر وسى ءىس-شاراعا قاتىسۋدى داستۇرگە اينالدىرىپ كەلەمىز. ءبىزدىڭ ۇلگىمىزبەن قالانىڭ كوپتەگەن جاستارى ءوز ەركىمەن كومەككە كەلەدى. قورشاعان ورتامىزدىڭ تازا بولۋىن ءبىز ارقاشان ناسيحاتتاپ وتىرامىز. ۇلكەندەر مەن جاستار ءبىزدىڭ ءىسىمىزدى قولدايتىندارىن ءبىلدىرىپ وتىرادى», دەدى بەلسەندى ۆولونتەرلەردىڭ ءبىرى اسەل دوسانوۆا.
ايتا كەتەتىن جايت, تازالىق اكتسياسى قولعا الىنعالى بەرى وعان 142 مىڭداي سولتۇستىكقازاقستاندىق قاتىسىپ, 211 سكۆەرلەر مەن پاركتەر, كوشەلەر قوقىستان تازالاندى. بارلىعى 141 مىڭ توننا قوقىس شىعارىلدى, 32 مىڭ ءتۇپ اعاش وتىرعىزىلدى.
پەتروپاۆل
