پلەنارلىق سەسسياعا ءبىلىم بەرۋ ۇيىمدارىنىڭ پەداگوگتەرى مەن باسشىلارى, پسيحولوگتەر, ادىسكەرلەر مەن ادىستەمەلىك كابينەتتەردىڭ مەڭگەرۋشىلەرى, جەرگىلىكتى اتقارۋشى ورگانداردىڭ وكىلدەرى, ەڭبەك ارداگەرلەرى قاتىسىپ, ولار تسيفرلاندىرۋدىڭ ۇردىستەرى مەن ءبىلىم بەرۋ سالاسىندا جاساندى ينتەللەكتىنى قولدانۋ تۋرالى وزەكتى ماسەلەلەر قوزعالدى.
اباي وبلىسى ءبىلىم باسقارماسىنىڭ باسشىسى نۇرجان احمەتقاليەۆ ءبىلىم بەرۋ جۇيەسىندەگى تسيفرلاندىرۋدىڭ ماڭىزىنا توقتالدى.
– XXI عاسىر – تسيفرلىق تەحنولوگيا ءداۋىرى. قازىر ەلىمىزدە «تسيفرلىق قازاقستان» مەملەكەتتىك باعدارلاماسى اياسىندا كوپتەگەن جۇمىس جۇرگىزىلىپ جاتىر. ەل ەكونوميكاسىندا دا تسيفرلاندىرۋ ماڭىزدى ءرول اتقارادى. سوندىقتان وقۋشىلاردىڭ تسيفرلىق داعدىلارىن دامىتۋ ماقساتىندا بىرقاتار ءىس-شارا ىسكە اسىرىلدى. سوندا دا تسيفرلىق تەحنولوگيالار مەن قۇرالداردى ءتيىمدى پايدالانۋ ارقىلى ءبىلىم بەرۋ ۇيىمدارىنىڭ جۇمىسىن جەتىلدىرۋ جونىندە ناقتى ۇسىنىستار كەرەك, – دەدى ول.
پلەنارلىق سەسسيا بارىسىندا ءبىلىم بەرۋدى تسيفرلاندىرۋ سالاسىنداعى جەتەكشى ساراپشىلار بايانداما جاسادى. ماسەلەن, وقۋ-اعارتۋ مينيسترلىگى ى.التىنسارين اتىنداعى ۇلتتىق ءبىلىم اكادەمياسىنىڭ ورتا ءبىلىم مازمۇنى ينستيتۋتىنىڭ ديرەكتورى, PhD سەيفوللا سمايىلوۆ «تسيفرلاندىرۋ جاعدايىندا ورتا ءبىلىم بەرۋدىڭ ساپاسى مەن قولجەتىمدىلىگىن ارتتىرۋ» تاقىرىبىن قوزعاسا, «EdCrunch» جاڭا ءبىلىم بەرۋ تەحنولوگيالارىنىڭ نەگىزىن قالاۋشى ءارى باعدارلامالىق ديرەكتورى نۇرلان قياسوۆ جاساندى ينتەللەكتىنىڭ جەتىستىكتەرىن ءسوز ەتتى. ال «Steam.kz» جوباسىنىڭ نەگىزىن قالاۋشى ايدىن ءتۇسىپجانوۆ «STEAM-ءبىلىم بەرۋدى دامىتۋ مۇمكىندىكتەرىن» تالقىلاپ, «Ustem robotics» قورىنىڭ حالىقارالىق قاتىناستار دەپارتامەنتىنىڭ ديرەكتورى نۇرلىبەك نۇرجانوۆ «تسيفرلىق ترانسفورماتسيا جاعدايىندا پەداگوگتەر مەن ءبىلىم الۋشىلارعا قولايلى ورتا قالىپتاستىرۋ ماڭىزدىلىعى: جەتىستىكتەر مەن جەڭىستەر» اتتى تاقىرىپتا بايانداما جاسادى. «Abai it Valley» تەحنولوگيالىق كلاستەرىنىڭ ديرەكتورى باۋىرجان ناۋرىزباەۆ اباي وبلىسىنىڭ ستۋدەنتتەرى مەن وقۋشىلارىنىڭ ستارتاپ-جوبالارىن دامىتۋدىڭ مۇمكىندىكتەرى مەن العاشقى ناتيجەلەرى تۋرالى باياندادى.
تامىز كەڭەسى اياسىندا «مەكتەپكە دەيىنگى ءبىلىم بەرۋدەگى يننوۆاتسيالار», «جاساندى ينتەللەكتىنى ورتا ءبىلىم بەرۋ جۇيەسىنە ينتەگراتسيالاۋ», «تەحنيكالىق جانە كاسىپتىك ءبىلىم بەرۋ جۇيەسىندەگى تسيفرلاندىرۋدىڭ قازىرگى باسىمدىقتارى», «اۋىلدىق مەكتەپتەردە وقىتۋ پروتسەسىن تسيفرلاندىرۋ» سەكىلدى تاقىرىپتارعا بولىنگەن سەكتسيا وتىرىستارىنا قاتىسقان ماماندار ءوز جۇمىستارىن قورىتىندىلادى.
سونداي-اق كەلەلى كەڭەستە 2023–2024 وقۋ جىلىنىڭ قورىتىندىسى بويىنشا اباي وبلىسىنداعى ۇزدىك ءبىلىم بەرۋ ۇيىمدارى مەن پەداگوگتەرى ماراپاتتالدى. ايتالىق, اياگوز اۋدانىنىڭ قالالىق قازاق مەكتەپ-ليتسەيىنە – 28 ملن تەڭگە, سەمەي قالاسىنداعى №16 تولەۋباي امانوۆ اتىنداعى جوببم – 10 ملن تەڭگە, جارما اۋدانى گەورگيەۆكا ورتا مەكتەبى – 10 ملن تەڭگە, بەسقاراعاي اۋدانىنداعى كانونەركا ورتا مەكتەبى – 10 ملن تەڭگە جانە اقسۋات اۋدانىنداعى ق.ساتباەۆ اتىنداعى جانتىكەي ورتا مەكتەبىنە 10 ملن تەڭگە كولەمىندە قارجىلاي سىياقى تابىس ەتىلدى. سونىمەن قاتار ءبىلىم سالاسىنداعى جوعارى جەتىستىكتەرى ءۇشىن وقۋ-اعارتۋ مينيسترلىگىنىڭ العىسحاتىنا 22 مۇعالىم يە بولدى. وقۋ-اعارتۋ مينيسترلىگىنىڭ قوسىمشا ءبىلىم بەرۋ ءىسىنىڭ ۇزدىگى ديپلومىن جارما اۋدانى ونەر مەكتەبىنىڭ جوعارعى بىلىكتىلىك ساناتتاعى حورەوگرافيا مۇعالىمى دانارا راحيمباەۆا يەلەنسە, ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىسى اقسۋات اۋدانىنداعى س.سەيفۋللين اتىنداعى ورتا مەكتەپتىڭ تاريح ءپانى مۇعالىمى ەرنس اديلحانوۆقا بەرىلدى. بۇعان قوسا وقۋ-اعارتۋ مينيسترلىگىنىڭ قۇرمەت گراموتاسىمەن 8 پەداگوگ, «ەڭبەك ارداگەرى» مەدالىمەن 4 پەداگوگ, «ى.التىنسارين» توسبەلگىسىمەن 3 پەداگوگ ماراپاتتالدى.
اباي وبلىسى
