قور باسشىسى نۇرلان جاقىپوۆ باتىس قازاقستان وبلىسىنا ءىسساپارى اياسىندا اتالعان وبلىس اكىمى ناريمان تورەعاليەۆپەن بىرگە ورالداعى «OzgeEpic Oral» كرەاتيۆتى حابىنىڭ جوندەۋ جۇمىستارىمەن جانە قۇرىلىس قارقىنىمەن تانىستى. جوبا قوردىڭ بىرىڭعاي قايىرىمدىلىق وپەراتورى «Samruk-Kazyna Trust» قورىنىڭ قارجىلاندىرۋىمەن جۇزەگە اسىپ جاتىر.
– مەملەكەت باسشىسى ايماقتاردا شىعارماشىلىق يندۋستريا ورتالىقتارىن اشۋدى تاپسىرعان ەدى. بۇل باستاما وڭىردەگى تالانتتى جاستاردىڭ الەۋەتىن اشۋعا مۇمكىندىك بەرەدى. سونىمەن قاتار كرەاتيۆتى حابتار ايماق ەكونوميكاسىنىڭ دامۋىنا سەرپىن اكەلەدى. بىلتىر اقتوبە وبلىسىنداعى كىتاپحانا عيماراتىن عىلىم مەن كرەاتيۆ ورتالىعىنا اينالدىرعان ەدىك. بيىل ورال قالاسىندا كرەاتيۆ حابىن سالۋ جۇمىستارىن باستاپ كەتتىك. ءدال وسىنداي ورتالىق سولتۇستىك قازاقستان وبلىسىندا دا اشىلادى, – دەدى قور باسشىسى ن.جاقىپوۆ.
ورتالىق جاستاردىڭ قوسىمشا ءبىلىم الىپ, شىعارماشىلىق قابىلەتىن دامىتۋىنا مۇمكىندىكتەر تۋعىزباق. حابتا زاماناۋي قازاق ونەرى مەن يننوۆاتسيالىق كوركەمدىك شەشىمدەردى دامىتۋ, سونداي-اق قازاقستان مەن حالىقارالىق قاۋىمداستىقتار شەڭبەرىندە ارت-جوبالار ازىرلەۋ جوسپارلانىپ وتىر. رەزيدەنتتەر قاتارىنا 14 پەن 35 جاس ارالىعىنداعى شىعارماشىلىق يندۋستريادا جۇمىس ىستەيتىن جاستار, سونىڭ ىشىندە NEET ساناتىنداعى جاستار مەن ەرەكشە قاجەتتىلىكتەرى بار جاندار مەن ستۋدەنتتەر كىرەدى.
جاڭا كرەاتيۆتى حابتا جاستار سپەكتاكلدەر مەن ءتۇرلى شەبەرلىك ساباقتارىنا, انيماتسيا مەن دۋبلياج جاساۋعا ەركىن قاتىسا الادى. سونىمەن قاتار سۇرانىسقا يە باعىتتار بويىنشا 200 ادام جاڭا ماماندىقتاردى يگەرەدى.
جاڭا شىعارماشىلىق حابتىڭ اشىلۋى كەلەسى جىلدىڭ سوڭىنا جوسپارلانعان.
«Samruk-Kazyna Trust» كق ءباسپاسوز ورتالىعى
