فوتو: ۇكىمەت
مينيسترلىكتىڭ حابارلاۋىنشا, مۇنداي مۇمكىندىك مينيسترلىكتىڭ باستاماسىمەن جەڭىلدەتىلگەن ءوندىرىستىڭ جاڭا ينستيتۋتى اياسىندا حالىق يگىلىگىنە ۇسىنىلىپ وتىر. مەملەكەت باسشىسى قاسىم-جومارت توقاەۆتىڭ تاپسىرماسى نەگىزىندە ازاماتتاردىڭ اقشالاي مىندەتتەمەلەرىن تومەندەتۋ جانە ادىلەت ورگاندارىنىڭ جۇمىسىن ودان ءارى تسيفرلاندىرۋ باعىتىنداعى زاڭناماعا ءتيىستى وزگەرىستەر ەنگىزىلدى.
«بۇرىن قارىزدى ۋاقتىلى وتەمەگەن جاعدايدا, ازاماتتار جەكە سوت ورىنداۋشىنىڭ قىزمەتى ءۇشىن ايىپپۇل سوماسىنا قوسىمشا 25% قاراجات تولەۋگە مىندەتتى بولعان. ەندى ازاماتتار وسى شىعىنداردان جانە جەكە سوت ورىنداۋشىعا بارۋدان بوساتىلادى. ماسەلەن, 20 اەك-كە دەيىنگى سوماداعى وڭايلاتىلعان وندىرىسكە ازاماتتار «eGov mobile»-دا ءىس تۋرالى جان-جاقتى اقپاراتى بار 1414-تەن SMS حابارلامالار مەن push-حابارلامالار الادى.
حالىققا ىڭعايلى بولۋ ءۇشىن بارلىق قامتاماسىز ەتۋ شاراسىن (تىيىم سالۋ) اۆتوماتتى تۇردە الىپ تاستاي وتىرىپ, بەرەشەكتى ونلاين تولەۋ قولجەتىمدى بولماق. وسىلايشا, ادامي فاكتور تولىعىمەن الىنىپ تاستالادى», دەلىنگەن ادىلەت مينيسترلىگىنىڭ ءباسپاسوز قىزمەتى تاراتقان اقپاراتتا.
سونداي-اق الدىن الا ەسەپتەۋلەر بويىنشا جەكە سوت ورىنداۋشىلارىنا قىزمەت اقىسىنىڭ 25%-ىن الىپ تاستاۋ ەسەبىنەن جىل سايىن ازاماتتاردىڭ قارجىلىق جۇكتەمەسى شامامەن 5,5 ملرد تەڭگەگە تومەندەيدى دەگەن بولجام بار.
وسىلايشا, سوت ورىنداۋشىلارىمەن بايلانىسۋدىڭ, بارلىق ارەكەت ونلاين رەجىمىندە جۇرگىزىلەدى, ءوندىرىستى توقتاتۋ مەن قاماۋعا الۋدى الىپ تاستاۋ ءۇشىن تۇبىرتەكتەر مەن باسقا دا راستايتىن قۇجاتتاردى ۇسىنۋدىڭ قاجەتى جوق.
ايتا كەتەتىن جايت, كۇنتىزبەلىك 30 كۇن ىشىندە اتقارۋشىلىق قۇجاتتىڭ (وڭايلاتىلعان ءىس جۇرگىزۋ بويىنشا) تالاپتارى ورىندالماعان جاعدايدا, ءىس جەكە سوت ورىنداۋشىسىنا ورىنداۋعا بەرىلەدى جانە ودان كەيىنگى اتقارۋشىلىق ارەكەتتەر كوميسسيانى ءوندىرىپ الا وتىرىپ, جالپى تارتىپپەن جۇزەگە اسىرىلادى.
ەسكە سالا كەتسەك, بۇل جوبا بيىل 18 قاڭتاردان باستاپ تاراز قالاسىندا سىناقتان وتكىزىلگەن ەدى. ازاماتتاردىڭ اقشالاي مىندەتتەمەلەرىن تومەندەتۋ, قاعاز تاسىعىشتان تولىق باس تارتۋ جانە اتقارۋشىلىق ءىس جۇرگىزۋدى ورىنداۋ ۇدەرىسىندە ادامي فاكتوردى الىپ تاستاۋ تۇرىندە وڭ ناتيجە كورسەتتى.
